ايم ڪيو ايم آمريڪا جي طرفان 30 سيپٽمبر تي اقوام متحده جي سامهون احتجاجي مظاهري جو اعلان

نيويارڪ: 28 سيپٽمبر 2015 

ايم ڪيو ايم آمريڪا وزير اعظم ميان نواز شريف جي اقوام متحده جي جنرل اسيمبلي جي خطاب جي موقعي تي هڪ وڏي احتجاجي مظاهري جو اعلان ڪيو آهي. احتجاجي مظاهرو نيويارڪ ۾ 30 سيپٽمبر تي صبح جو 9 وڳي ٿيندو. ايم ڪيو ايم آمريڪا جي طرفان جاري ڪيل هڪ اعلان جي مطابق مظاهري جو مقصد عالمي برادري کي پاڪستان ۾ جاري مهاجرن جي نسل ڪشي، ايم ڪيو ايم جي ڪارڪنن جي گمشدگي، غير قانوني ڇاپن ۽ گرفتارين، ماورائي عدالت قتلن، ڪراچي ۾ مذهبي انتها پسندن جي قبضي جي سازش، نون صوبن جي ضرورت ۽ قائد تحريڪ جناب الطاف حسين جي خطابن ۽ انٽرويوز تي غير آئيني پابندين کان آگاھ ڪرڻ آهي. مظاهري ۾ ايم ڪيو ايم آمريڪا جي سينٽرل آرگنائيزنگ ڪميٽي جي ميمبرن سميت آمريڪا جي 20 شهرن مان چيپٽر انچارجن ، ڪميٽي ميمبرن ۽ ايم ڪيو ايم جي ڪارڪنن ۽ همدردن وڏي تعداد ۾ شرڪت ڪئي. مظاهري جي تيارين جو جائزو وٺڻ جي لاءِ ايم ڪيو ايم آمريڪا جي سينٽرل آرگنائزنگ ڪميٽي جو اجلاس ٿيو، جنهن ۾ سينٽرل آرگنائيزر جنيد فهمي، جوائنٽ انچارج محمد ارشد حسين ۽ ٻين شرڪت ڪئي. اجلاس جي تيارين جو تفيصلي جائزو ورتو ويو ۽ ان تي اطمينان جو اظهار به ڪيو ويو. ان کان علاوه سينٽرل ڪميٽي آمريڪا ۾ مقيم پاڪستاني برادري کي اپيل ڪئي آهي ته اها مظاهري ۾ شرڪت ڪري عالمي برادري کي اهو پيغام ڏيئي ته اها پاڪستان ۾ مهاجرن جي خلاف نفرت، تعصب ۽ رياستي تشدد بند ڪرائڻ جي لاءِ پاڪستاني حڪومت ۽ اختيار رکندڙ ڌرين تي پنهنجو اثر و رسوخ استعمال ڪري.