حق پرست عوام ڪي ڪي ايف کي قرباني جون کلون وڌ کان وڌ تعداد ۾ ڏين. ايم ڪيو ايم رابطا ڪميٽي جي اپيل.
ڪراچي: 24 سيپٽمبر 2015
متحده قومي موومينٽ جي رابطا ڪميٽي حق پرست عوام کي اپيل ڪئي آهي ته اهي هر سال وانگر هن سال به قرباني جون کلون ڪي ڪي ايف کي وڌ کان وڌ تعداد ۾ ڏين ته جيئن ڪي ڪي ايف بهتر کان بهتر انداز ۾ ڏکايل انسانيت جي خدمت ڪري سگهي. پنهنجي هڪ بيان ۾ رابطا ڪميٽي چيو ته ڪي ڪي ايف ملڪ جو سڀني کان وڏو فلاحي ادارو آهي جيڪو گذريل ڪيترن ئي ڏهاڪن کان عوام جي خدمت ڪري رهيو آهي. رابطا ڪميٽي چيو ته اسان جو شروع کان ئي اهو موقف رهيو آهي اصل سياست اها هوندي آهي جيڪا ڏکايل انسانيت جي خدمت جي لاءِ هجي. رابطا ڪميٽي چيو ته ڪي ڪي ايف پوري ملڪ ۾ قدرتي آفتن ۽ حادثن جي موقعي تي متاثرن جي مدد ڪري ٿو. ڪي ڪي آزاد ڪشمير ۾ به ايندڙ زلزلي جي موقعي تي لکين متاثرن جي جهڙي طرح ڪيترن مهينن تائين خدمت ڪئي هئي اها ريڪارڊ تي موجود آهي. ملڪ جي مختلف حصن ۾ ايندڙ سيلابن، ڏڪار، زلزلن ۽ حادثن جي موقعن تي به ڪي ڪي ايف جو ادارو سڀني کان پهرين موجود رهي ٿو. ڪي ڪي ايف جا اسپتال، ميڊيڪل سينٽر، بلڊ بينڪ، ايمبولينسون ۽ ميت بس سروس به عوام جي بغير ڪنهن فرق جي خدمت ۾ ڏينهن رات مصروف رهي ٿي. رابطا ڪميٽي چيو ته ڪي ڪي ايف جون سموريون سرگرميون زڪوٰت، فطري، صدقن، قرباني جي کلن ۽ ٻين عطيات مان حاصل ٿين ٿيون ان جي ڪري عوام وڌ کان وڌ تعداد ۾ ڪي ڪي ايف کي قرباني جون کلون ڏين ته جيئن اهو بهتر کان بهتر انداز ۾ عوام جي خدمت ڪري سگهي.
*****