منٰي ۾ ڀاڄ پوڻ جي ڪري 700 کان وڌيڪ حاجين جي شهيد ٿيڻ ۽ 800 کان وڌيڪ حاجين جي زخمي ٿيڻ جي واقعي تي قائد تحريڪ جناب الطاف حسين جي طرفا افسوس جو اظهار.
لنڊن: 24 سيپٽمبر 2015
متحده قومي موومينٽ جي قائد جناب الطاف حسين حج جي دوران منٰي ۾ ڀاڄ پوڻ جي ڪري 700 کان وڌيڪ حاجين جي شهيد ٿيڻ ۽ 800 کان وڌيڪ حاجين جي زخمي ٿيڻ جي واقعي تي وڏي ڏک ۽ افسوس جو اظهار ڪيو آهي. پنهنجي هڪ بيان ۾ جناب الطاف حسين فرمايو ته حج جي دوران ايتري وڏي تعداد ۾ حاجين جي شهيد ۽ زخمي ٿيڻ جو واقعو وڏو افسوسناڪ آهي ۽ ان دردناڪ واقعي سڄي دنيا جي مسلمانن کي غمگين ڪري ڇڏيو آهي. جناب الطاف حسين شهيدن جي سوگوار پونئرن سان دلي تعزيت ۽ همدردي جو اظهار ڪندي دعا ڪئي ته الله تعالٰي شهيد ٿيندڙن کي پنهنجي جوار رحمت ۾ اعلٰي مقام عطا فرمائي ۽ سوگوار پونئرن کي اهو صدمو برداشت ڪرڻ جو حوصلو عطا فرمائي. آمين. ان کان علاوه جناب الطاف حسين زخمي ٿيندڙن جي جلد و مڪمل صحتيابي جي لاءِ دعا به فرمائي.
*****