قرباني جي عيد جي سلسلي ۾ ايم ڪيو ايم جي رابطا ڪميٽي جي زيرصدارت اي پي ايم ايس او جي ذميوارن ۽ ڪارڪنن جو اجلاس.

ڪراچي: 23 سيپٽمبر 2015 

              متحده قومي موومينٽ جي رابطا ڪميٽي جي صدارت قرباني جي عيد جي سلسلي ۾ اي پي ايم ايس او جي ذميوارن ۽ ڪارڪنن جو اجلاس ٿيو. اجلاس ۾ رابطا ڪميٽي ميمبر سيد امين الحق، سي اي سي انچارج وسيم اختر ۽ ميمبرن شرڪت ڪئي. ان موقعي تي سيد امين الحق ذميوارن ۽ ڪارڪنن کي هدايت ڪئي ته اهي پنهنجن پنهنجن علائقن ۾ ڪي ڪي ايف جي رضاڪارن سان گڏ قرباني جون کلون گڏ ڪندي وقت حڪومت جي طرفان جاري ڪيل ضابطه اخلاق تي سختي سان عمل ڪن ۽ قانون نافذ ڪرڻ وارن ادارن سان مڪمل تعاون به ڪن.  انهن ڪارڪنن کي تلقين ڪئي ته اهي عوام سان سٺي اخلاق سان پيش اچن ۽ ڪنهن به قسم جي زور و زبردستي کان پاسو ڪن ۽ ڪي ڪي ايف کي قرباني جون کلون ڏيڻ وارن جو شڪريو به ادا ڪن. ان موقعي تي وسيم اختر ڳالھ ٻولھ ڪندي چيو ته ڪارڪن ماضي وانگر هن ڀيري به جناب الطاف حسين جي امن پسندي جي پاليسي تي عمل ڪندي ڪنهن به قسم جي ٽڪراءُ ۽ تشدد کان پاسو ڪن ۽ پنهنجي وچ ۾ شرپسندن تي ڪڙي نظر به رکن. ان موقعي تي طارق جاويد ڪارڪنن کي حڪومت جي طرفان جاري ڪيل ضابطه اخلاق به پڙهي ٻڌايو.

*****