هٿيار بند دهشت گردن جي طرفان سماء نيوز جي ڊي ايس اين جي تي فائرنگ ڪرڻ جي واقعي تي ايم ڪيو ايم رابطا ڪميٽي جي طرفان مذمت جو اظهار
ڪراچي: 20 سيپٽمبر 2015
متحده قومي موومينٽ جي رابطا ڪميٽي لياقت آباد نمبر 10 ۾ سماء نيوز جي ڊي ايس اين جي وين تي هٿيار بند دهشت گردن جي فائرنگ جي سخت ترين لفظن ۾ مذمت ڪئي آهي ۽ ان کي شهر ۾ ميڊيا جي گاڏين، صحافين ۽ اسٽاف کي نشانو بڻائڻ جي واقعن جو تسلسل قرار ڏنو آهي. پنهنجي هڪ بيان ۾ رابطا ڪميٽي چيو ته ان کان اڳ به ٻين نيوز چينلن جي گاڏين کي نشانو بڻائڻ ۽ صحافين کي قتل ڪرڻ جا واقعا ٿيا آهن پر انهن واقعن ۾ ملوث وحشي دهشت گرد هن مهل تائين قانون جي پڪڙ کان آزاد آهن. جنهن جي جيتري به مذمت ڪئي وڃي اها گهٽ آهي. رابطا ڪميٽي وزير اعظم ميان نواز شريف، وفاقي وزير داخلا چوڌري نثار علي خان ۽ وزير اعلٰي سنڌ سيد قائم علي شاھ کان مطالبو ڪيو ته اهي سماء جي گاڏي تي فائرنگ ڪرڻ جي واقعي جو سختي سان نوٽس وٺن ۽ ان ۾ ملوث دهشت گردن کي فوري طور تي گرفتار ڪري سخت ترين سزا ڏني وڃي.