ايم ڪيو ايم ڪي پي ڪي ڪميٽي جي جوائنٽ انچارج زرين نصرت خيل، ايم ڪيو ايم نواب شاھ زون جي زونل انچارج ڊاڪٽر نعيم ۽ ٻين ڪارڪنن جي گهرن تي ڇاپن ۽ گرفتارين تي رابطا ڪميٽي جي طرفان مذمت جو اظهار.
ڪراچي: 20 سيپٽمبر 2015
متحده قومي موومينٽ جي رابطا ڪميٽي رينجر ۽ ساده لباس ۾ ملبوس اهلڪارن جي ڇاپن جي دوران ايم ڪيو ايم ڪي پي ڪي ڪميٽي جي جوائنٽ انچارج زرين نصرت خيل، ايم ڪيو ايم نواب شاھ زون جي زونل انچارج ڊاڪٽر نعيم ۽ ٻين ذميوارن ۽ ڪارڪنن جي بغير ڪنهن جواز جي گرفتارين جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي ڇاپن ۽ گرفتارين جون تفصيلات ٻڌائيندي چيو ته گذريل رات ڪي پي ڪي ڪميٽي جي جوائنٽ انچارج زرين نصرت خيل، نواب شاھ زون جي زونل انچارج ڊاڪٽر نعيم ، ايم ڪيو ايم ليبر ڊويزن ڪي اليڪٽرڪ جي ڪارڪن اشرف، رنڇوڙ لائين سيڪٽر يونٽ 3 بي جي ڪارڪنن شهريار ۽ محمد علي ۽ ڪراچي مضافاتي آرگنائيزنگ ڪميٽي ابراهيم حيدري سيڪٽر ڪميٽي جي ميمبر شيخ عامر کي رينجر گرفتار ڪري ورتو.رابطا ڪميٽي چيو ته ڪراچي ٽارگيٽڊ آپريشن جي آڙ ۾ جهڙي طرح ايم ڪيو ايم جي ذميوارن ۽ ڪارڪنن جي گهرن تي لڳاتار ڇاپا هنيا پيا وڃن ۽ انهن جون گرفتاريون ڪيون پيون وڃن، ان مان صاف ظاهر آهي ته ايم ڪيو ايم کي هڪ منظم سازش جي تحت ڀت سان لڳايو پيو وڃي ۽ ايم ڪيو ايم جي فلاحي سرگرمين تي به غير اعلانيه پابندي عائد ڪئي وئي آهي. رابطا ڪميٽي وڌيڪ چيو ته جيڪڏهن ايم ڪيو ايم جا ڪارڪن ڏوهن ۾ ملوث هجن ها ته اهي هزارين ڇاپن ۾ ڪٿي ته رينجر ۽ پوليس وارن سان ٽڪراءُ ڪن ها. پر ائين نه ٿيو جنهن مان ثابت ٿئي ٿو ته ايم ڪيو ايم هڪ پرامن جماعت آهي. رابطا ڪميٽي چيو ته ڪراچي آپريشن جو رخ مڪمل طور تي غلط آهي ۽ ان کي صرف ايم ڪيو ايم کي ختم ڪرڻ جي لاءِ ڪيو پيو وڃي. رابطا ڪميٽي وزير اعظم ميان نواز شريف، آرمي چيف جنرل راحيل شريف، وفاقي وزير داخلا چوڌري نثار علي خان، وزير اعلٰي سنڌ سيد قائم علي شاھ، ڪور ڪمانڊر ڪراچي جنرل نويد مختيار ۽ ڊي جي رينجر بلال اڪبر کان مطالبو ڪيو ته اهي ايم ڪيو ايم جي ڪارڪنن جي گهرن تي بغير ڪنهن جواز جي ڇاپن ۽ گرفتارين جو سلسلو بند ڪرائين ۽ ڪراچي آپريشن جي رخ کي صحيح ڪرائين ۽ گرفتار ٿيلن کي به آزاد ڪرائين.