ايم ڪيو ايم جي رابطا ڪميٽي جو اجلاس،مڪاني اليڪشن جي تيارين جو جائزو ورتو ويو.
ڪراچي: 18 سيپٽمبر 2015
متحده قومي موومينٽ جي رابطا ڪميٽي جو هڪ اجلاس ٿيو. جنهن ۾ مڪاني اليڪشن جي لاءِ ايم ڪيو ايم جي طرفان ڀرپور تيارين جو جائزو ورتو ويو. اجلاس ۾ مڪاني اليڪشن جي لاءِ ايم ڪيو ايم اليڪشن سيل جي ڪارڪردگي کي ساراهيو ويو ۽ ان کي وڌيڪ فعال بڻائڻ جي لاءِ مختلف تجويزن تي غور به ڪيو ويو. اجلاس ۾ فيصلو ڪيو ويو ته ايم ڪيو ايم جي رابطا ڪميٽي جا ميمبر اڄ ئي مختلف سيڪٽرن ۽ اسيمبلي ميمبرن جي آفيسن جو دورو ڪندا ۽ سڄي شهر ۾ علائقائي سطح تي مڪاني اليڪشن جي لاءِ حق پرست اميدوارن جا انٽرويو به ڪندا. اجلاس ۾ طئي ڪيو ويو ته مڪاني اليڪشن جي لاءِ حق پرست اميدوارن جي انٽرويوز جو سلسلو تيزي سان مڪمل ڪيو وڃي ته جيئن حق پرست مڪاني اميدوارن مان چيئرمين، وائيس چيئر مين ۽ ڪائونسلرن جي فهرست کي حتمي شڪل ڏيئي سگهجي.
*****