ايم ڪيو ايم نارٿ ڪراچي جي سيڪٽر ميمبر مظهر، اورنگي ٽائون سيڪٽر يونٽ 118 سي جي ڪارڪنن محمد تاج ۽ لياقت ۽ ايم ڪيو ايم شاھ فيصل سيڪٽر يونٽ 109 جي ڪارڪن محمد راشد کي بغير ڪنهن جواز جي گرفتار ڪرڻ تي رابطا ڪميٽي جي طرفان سخت مذمت جو اظهار.
ڪراچي: 17 سيپٽمبر 2015
متحده قومي موومينٽ جي رابطا ڪميٽي پوليس، رينجر ۽ ساده لباس ۾ ملبوس اهلڪارن جي طرفان نارٿ ڪراچي، اورنگي ٽائون ۽ شاھ فيصل سيڪٽر جي ڪارڪنن جي گرفتارين جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته گذريل رات رينجر اهلڪارن ايم ڪيو ايم نارٿ ڪراچي سيڪٽر ڪميٽي جي ميمبر مظهر، اورنگي ٽائون سيڪٽر يونٽ 118 سي جي ڪارڪنن محمد تاج ۽ لياقت، شاھ فيصل سيڪٽر يونٽ 109 جي ڪارڪن محمد راشد کي انهن جي گهرن کان گرفتار ڪري ورتو. رابطا ڪميٽي چيو ته شهر ۾ ڏوهاري ۽ فرقي پرست تنظيمن جا دهشت گردن سرگرم آهن پر انهن جي خلاف ڪاروائي ڪرڻ جي بجاءِ ابتڙ قانون نافذ ڪرڻ وارن ادارن جا اهلڪار ايم ڪيو ايم جي ڪارڪنن کي ئي گرفتار ڪري رهيا آهن جيڪو هڪ وڏو ظلم ۽ سراسر ناانصافي آهي، جنهن جي جيتري به مذمت ڪئي وڃي اها گهٽ آهي. رابطا ڪميٽي وزير اعظم ميان نواز شريف، آرمي چيف جنرل راحيل شريف، وفاقي وزير داخلا چوڌري نثار علي خان، وزير اعلٰي سنڌ سيد قائم علي شاھ، ڪورڪمانڊر ڪراچي ۽ ڊي جي رينجر ڪراچي کان مطالبو ڪيو ته اهي ايم ڪيو ايم جي ڪارڪنن جي گهرن تي غير قانوني ڇاپن ۽ گرفتارين جو فوري طور تي نوٽس وٺن ۽ ڪراچي ٽارگيٽڊ آپريشن جو رخ ايم ڪيو ايم ڏانهن موڙي ڪري ان کي سياسي انتقام جو نشانو بڻائڻ جو سلسلو ختم ڪرائين.
*****