ايم ڪيو ايم فاٽا صوبي جي قيام جي مطالبي جي حمايت ڪري ٿي. ايم ڪيو ايم جو سينيئر ڊپٽي ڪنوينر نديم نصرت.
لنڊن: 15 سيپٽمبر 2015
متحده قومي موومينٽ جي رابطا ڪميٽي جي سينيئر ڊپٽي ڪنوينر نديم نصرت فاٽا جي گرينڊ الائنس جي طرفان الڳ صوبي جي قيام جي مطالبي جي حمايت ڪندي چيو آهي ته عوام جي خواهشن، گڊ گورننس ۽ عوام جي ڀلائي جي لاءِ سڄي ملڪ ۾ نون صوبن جو قيام وقت جي اهم ترين ضرورت آهي. پنهنجي هڪ بيان ۾ نديم نصرت چيو ته ڪي پي ڪي حڪومت جي طرفان فاٽا اصلاحات بل جي ذريعي فاٽا کي ڪي پي ڪي ۾ ضم ڪرڻ جي قبائلي عوام جي خواهشن جي خلاف قرار ڏيندي چيو آهي ته قبائلي اڳواڻڻ جي طرفان اهو بل رڌ ڪري فاٽا کي الڳ صوبي جو درجو ڏيڻ جو مطالبو ڪيو پيو وڃي. ان کان اڳ به هزاره صوبي، ڏکڻ پنجاب صوبي، پوٺار صوبي، بهاولپور صوبي ۽ ملڪ جي ٻين علائقن ۾ به الڳ صوبن جي قيام جا مطالبا ڪيا ويندا رهيا آهن. وقت جو تقاضا آهي ته عوامي سطح تي الڳ صوبن جي قيام جي مطالبي کي ضد ۽ انا جي ور نه چاڙهيو وڃي ۽ پاڪستان ۾ عوام جي طرفان جتي جتي به الڳ صوبن جي لاءِ مطالبا ڪيا ويندا رهيا آهن اتي انتظامي بنيادن تي نوان صوبا قائم ڪيا وڃن ته جيئن عوام جا مسئلا حل ٿي سگهن.
*****