“ شهيدِ انقلاب ” ڊاڪٽر عمران فاروق شهيد جو نالو ايم ڪيو ايم جي تاريخ ۾ هميشه زنده رهندو.قائد تحريڪ جناب الطاف حسين.

لنڊن: 15 سيپٽمبر 2015 

            متحده قومي موومينٽ جي قائد جناب الطاف حسين “ شهيد انقلاب ” ڊاڪٽر عمران فاروق شهيد جي پنجين ورسي جي موقعي تي پنهنجي هڪ بيان ۾ انهن کي زبردست خراج عقيدت پيش ڪندي فرمايو آهي ته ڊاڪٽر عمران فاروق شهيد جو نالو ايم ڪيو ايم جي تاريخ ۾ هميشه زنده رهندو. جناب الطاف حسين فرمايو ته ڊاڪٽر عمران فاروق شهيد تحريڪ جي شروعاتي ڏينهن جي ساٿين مان هڪ هئا، جن تحريڪ جي قافلي کي اڳتي وڌائڻ، تحريڪ جي فڪر و فلسفي کي ڦيلائڻ ۽ ايم ڪيو ايم کي منظم ڪرڻ ۾ هڪ نمايا ن ڪردار ادا ڪيو هو . انهن فرمايو ته تحريڪ جي خلاف ٿيندڙ بدترين رياستي آپريشن جي دوران تمام تر رياستي ظلمن، ڏاڍ، سازشن ۽ پروفيگنڊن جي باوجود ڊاڪٽر عمران فاروق شهيد جنهن ثابت قدمي جو مظاهرو ڪيو ۽ جهڙي طرح آخري ساھ تائين تحريڪ سان وفا ڪئي اهو تحريڪ جي سمورن ڪارڪنن جي لاءِ هڪ مشعل راھ آهي. جناب الطاف حسين فرمايو ته تحريڪ جي لاءِ ڊاڪٽر عمران فاروق جي قربانين کي ڪڏهن به فراموش نه ڪيو ويندو ۽ انهن جو نالو تحريڪ جي تاريخ ۾ هميشه زنده رهندو ۽ تحريڪ جي سمورن ساٿين جي دلين ۾ انهن جو احترام به هميشه رهندو. جناب الطاف حسين دعا فرمائي ته الله تعالٰي ڊاڪٽر عمران فاروق شهيد جي مغفرت فرمائي، انهن جا درجات بلند فرمائي ۽ انهن جي پونئرن کي صبر جميل عطا فرمائي. آمين.