ايم ڪيو ايم جو موقف ٻڌڻ کان سواءِ ئي تقريرن ۽ تصويرن تي پابندي جي فيصلي سان جناب الطاف حسين جي ڪروڙين چاهڻ وارن کي سخت مايوسي ٿي آهي. ايم ڪيو ايم جا استعيفٰي ڏنل سينيٽر.
ڪراچي: 9 سيپٽمبر 2015
متحده قومي موومينٽ جي استعيفيٰ ڏنل سينيٽرن لاهور هائي ڪورٽ جي طرفان قائد تحريڪ جناب الطاف حسين جي تقريرن ۽ بيانن تي پابندي جي فيصلي کي مڪمل طور تي هڪ طرفو قرار ڏنو آهي ۽ چيو آهي ته جمهوري حڪومت جي دور ۾ آزادي جي اظهار کي ڇڻڻ جو عمل وڏو قابل مذمت آهي. پنهنجي هڪ بيان ۾ انهن چيو ته ايم ڪيو ايم جو موقف ٻڌڻ کان سواءِ ئي جناب الطاف حسين جي تقريرن ۽ تصويرن تي پابندي جي فيصلي سان جناب الطاف حسين جي ڪروڙين چاهڻ وارن کي سخت مايوسي ٿي آهي ۽ ان فيصلي ڪارڪنن کي اهو سوچڻ تي مجبور ڪري ڇڏيو آهي ته پاڪستان ۾ مڊل ڪلاس جي واحد جماعت ايم ڪيو ايم جي خلاف سازشن جو سلسلو شروع ٿي ويو آهي. انهن چيو ته عدالت ملڪ جو اهم ٿنڀو آهي ۽ ڪنهن به ملڪ جي مضبوطي ۾ عدالتن جي فيصلن جي وڏي اهميت هوندي آهي. انهن وڌيڪ چيو ته ملڪ جي سالميت ۽ مضبوطي سان کيڏڻ وارين سياسي، مذهبي ۽ پابندي وڌل تنظيمن جون تقريرون شايع ڪرڻ تي ته ڪائي به پابندي نه آهي پر محب وطن قائد تحريڪ جناب الطاف حسين جي تقريرن ۽ تصويرن تي ته پابندي عائد ڪئي وئي آهي. جنهن جي جيتري به مذمت ڪئي وڃي اها گهٽ آهي. انهن انساني حقن جي ملڪي ۽ عالمي تنظيمن کي به اپيل ڪئي ته اهي آزادي جي اظهار تي پابندين جو فوري طور تي نوٽس وٺن.
*****