سينيئر صحافي آفتاب عالم جي وحشياڻي قتل تي ايم ڪيو ايم جي رابطا ڪميٽي جي طرفان مذمت جو اظهار.
ڪراچي: 9 سيپٽمبر 2015
متحده قومي موومينٽ جي رابطا ڪميٽي دهشت گردن جي طرفان سينيئر صحافي آفتاب عالم جي وحشياڻي قتل جي سخت ترين لفظن ۾ مذمت ڪئي آهي.پنهنجي هڪ مذمتي بيان ۾ رابطا ڪميٽي چيو ته ٻن سالن کان ٽارگيٽڊ آپريشن جي دوران صحافين، پوليس وارن ۽ سماجي رهنمائن سميت ڪيترن ئي اعلٰي شخصيتن کي ٽارگيٽ ڪلنگ جو نشانو بڻايو ويو آهي. جڏهن ته ان دوران ايم ڪيو ايم جي سينيئر رهنما رشيد گوڏيل تي فائرنگ ۽ سانحه صفورا جو افسوس ناڪ واقعو به پيش آيو آهي. پر قانون نافذ ڪرڻ وارا ادارا انهن سمورن هائي پروفائيل واقعن ۾ ملوث دهشت گردن ۽ انهن جي سرپرستن کي گرفتار ڪرڻ ۾ ناڪام ٿيا آهن. رابطا ڪميٽي آفتاب عالم جي سمورن سوگوار پونئرن ۽ تمام صحافي برادري سان دلي تعزيت ۽ همدردي جو اظهار ڪندي دعا ڪئي ته الله تعالٰي مرحوم کي پنهنجي جوار رحمت ۾ اعلٰي مقام عطا فرمائي ۽ پونئرن کي اهو صدمو برداشت ڪرڻ جو حوصلو عطا فرمائي. آمين. رابطا ڪميٽي وزير اعظم ميان نواز شريف، وفاقي وزير داخلا چوڌري نثار علي خان ۽ وزير اعلٰي سنڌ سيد قائم علي شاھ کان مطالبو ڪيو ته اهي آفتاب عالم جي قتل ۾ ملوث دهشت گردن کي عبرتناڪ انجام تائين پهچائين.
*****