جناب الطاف حسين جي تقريرن ۽ تصويرن تي پابندي حڪومت جو ايجنڊا ۽ خواهش ته ٿي سگهي ٿي پر عدالت جي طرفان ان حوالي سان هڪ طرفو فيصلو اچڻ انتهائي افسوسناڪ ڳالھ آهي. قومي اسيمبلي جا سابق حق پرست ميمبر.

ڪراچي: 10 سيپٽمبر 2015 

               قومي اسيمبلي جي سابق حق پرست ميمبرن چيو آهي ته لاهور هائي ڪورٽ جي طرفان قائد تحريڪ جناب الطاف حسين جي تقريرن ۽ تصويرن تي پابندي جو هڪ طرفو فيصلو اظهار رائي جي آزادي ۽ جمهوريت تي يقين رکڻ وارن جي لاءِ وڏي ڳڻتي جي ڳالھ آهي. پنهنجي هڪ گڏيل بيان ۾ انهن چيو ته جناب الطاف حسين ڪروڙين عوام جا ليڊر آهن ۽ لاهور هائي ڪورٽ جي ان فيصلي سان جناب الطاف حسين جي چاهڻ وارن ۾ وڏي ڳڻتي پاتي وڃي ٿي. انهن چيو ته ايم ڪيو ايم ان هڪ طرفه فيصلي تي خاموش نه ويهندي ۽ سپريم ڪورٽ سان رجوع ڪندي ۽ ان جي خلاف هر سطح تي آواز به اٿاريندي. انهن چيو ته ڪنهن به فيصلي ۾ جيڪڏهن انصاف جا تقاضا پورا نه ٿين ته اها فطري ڳالھ آهي ان فيصلي جي خلاف آوازون اٿنديون آهن، ان جي ڪري جناب الطاف حسين جي خلاف به اهو فيصلو انصاف جي تقاضن جي خلاف آهي. ان جي ڪري ايم ڪيو ايم جي طرفان ان فيصلي جي خلاف آواز اٿارڻ ان ڳالھ جو ثبوت آهي ته اهو فيصلو جانبدارانه آهي ۽ ان فيصلي ۾ انصاف جا تقاضا پورا نه ڪيا ويا آهن. انهن ملڪي ۽ بين الاقوامي تنظيمن کي به اپيل ڪئي ته اهي لاهور هائي ڪورٽ جي ان فيصلي جي خلاف حق جي آواز بلند ڪن.

*****