وفاقي وزير عبدالقادر بلوچ جي طرفان مهاجرن سميت ايم ڪيو ايم جي ڪروڙين حامين کي جانور چوڻ انهن جي کليل توهين آهي. ايم ڪيو ايم رابطا ڪميٽي.
ڪراچي: 8 سيپٽمبر2015
متحده قومي موومينٽ جي رابطا ڪميٽي وفاقي وزير عبدالقادر بلوچ جي طرفان لاهور جي هڪ تقريب ۾ ميڊيا سان ڳالھ ٻولھ ڪندي ايم ڪيو ايم تي بيهوده الزام هڻڻ ۽ مهاجرن کي جانور چوڻ جي سخت ترين لفظن ۾ مذمت ڪئي آهي ۽ ان کي ايم ڪيو ايم جي حامين ۽ ڪروڙين مهاجرن جي کليل توهين قرار ڏنو آهي. پنهنجي هڪ بيان ۾ رابطا ڪميٽي چيو ته پاڪستان ٺاهڻ وارن مهاجرن کي اڄ پاڪستان ۾ بدترين ظلمن جو نشانو بڻايو پيو وڃي. هڪ طرف ته انهن کي بدترين رياستي ظلمن جو نشانو بڻايو پيو وڃي ته ٻئي طرف تعصب جي نشي ۾ انڌا سياستدان به انهن جي لڳاتار بي عزتي ڪري رهيا آهن. عمران خان مهاجرن کي زنده لاشون چئي ڪري انهن جي توهين ڪئي ، ذوالفقار مرزٰي مهاجرن کي بکيو ۽ ننگو چيو ، سليم ضياء انهن کي دانگي چيو ته ڪنهن انهن کي پناھ وٺندڙ چيو ته ڪنهن انهن کي تلير ۽ مڪڙ چيو. رابطا ڪميٽي عبدالقادر بلوچ جي بيان جي سخت ترين لفظن ۾ مذمت ڪندي چيو ته ظلم ۽ ناانصافي پنهنجي انتها تي پهچي چڪو آهي، مهاجرن کي دهشت گرد قرار ڏيئي ڪري انهن کي نوڪرين مان ڪڍيو پيو وڃي، انهن جا ڪاروبار بند ڪيا پيا وڃن، انهن کي جيلن ۽ ٿاڻن ۾ ڀريو پيو وڃي ۽ انهن جي قائد جناب الطاف حسين جي خطابن، بيانن ۽ تصويرون چاپڻ تي به پابندي عائد ڪئي پئي وڃي ۽ اڄ عبدالقادر بلوچ مهاجرن کي جانور قرار ڏيئي ڪري انهن جي توهين ڪري رهيا آهن. رابطا ڪميٽي وزير اعظم ميان نواز شريف کان مطالبو ڪيو ته اهي ان ڳالھ جي وضاحت ڪن ته ڇا عبدالقادر بلوچ جو بيان حڪومت جي پاليسي آهي ۽ جيڪڏهن انهن حڪومت جي پاليسي کان هٽي ڪري بيان ڏنو آهي ته وزير اعظم صاحب فوري طور تي انهن کان استعيفٰي طلب ڪن ۽ انهن کي چون ته اهي مهاجرن سميت ايم ڪيو ايم جي سمورن سپورٽرن کان غير مشروط طور تي معافي وٺن.
*****