اظهار جي آزادي تي پابنديون لڳائي ڪري پاڪستان کان آهستي آهستي جمهوريت جي تڏا ويڙھ ڪئي پئي وڃي. نديم نصرت
لنڊن: 8 سيپٽمبر 2015
متحده قومي موومينٽ جي سينيئر ڊپٽي ڪنوينر نديم نصرت لاهور هائي ڪورٽ جي طرفان قائد تحريڪ جناب الطاف حسين جي تقريرن ۽ بيانن تي پابندي هڻڻ جي فيصلي تي پنهنجي رڌ عمل جو اظهار ڪندي چيو آهي ته پاڪستان ۾ اظهار جي آزادي تي طرح طرح جون پاپنديون هڻي ڪري ملڪ کان آهستي آهستي جمهوريت جي تڏا ويڙھ ڪئي پئي وڃي. پنهنجي هڪ بيان ۾ انهن چيو ته قائد تحريڪ جناب الطاف حسين پاڪستان جي ٽئين وڏي جماعت جا باني ۽ قائد آهن جن کي ڪروڙين ماڻهو پنهنجو قائد ۽ رهبر تسليم ڪن ٿا ۽ تمام تر رياستي ظلمن جي باوجود اهي قائد تحريڪ جناب الطاف حسين جو ساٿ ڇڏڻ جي لاءِ تيار نه آهن. انهن چيو ته جڏهن اهي تمام تر ظلمن ۽ زهريلي پروفيگنڊن جي باوجود عوام سان جناب الطاف حسين جو رشتو ۽ تعلق ختم نه ڪري سگهيا ته پوءِ انهن کي عوام کان دور ڪرڻ جي لاءِ هاڻي انهن جي تقريرن ۽ بيانن تي پابندي ايستائين جو انهن جون تصويرون شايع ڪرڻ تي به پابندي لڳائي وئي آهي. جيڪو سراسر غير آئيني ۽ غير منصفانه عمل آهي. انهن چيو ته اهو عجيب ۽ هڪ سنگين مذاق آهي جو جيڪي مذهبي انتها پسند دهشت گرد پاڪستان جي رياست ۽ ان جي آئين ۽ قانون کي ئي مڃڻ جي لاءِ تيار نه آهن ۽ جيڪي پاڪستان جي رياست سان جنگ ڪري رهيا آهن، جيڪي اقوام متحده کي به گهربل آهن پر انهن دهشت گردن ۽ مذهبي انتها پسندن کي ته پاڪستان جي سمورن شهرن ۾ کلي عام جلسا ڪرڻ، مظاهرا ڪرڻ، تقريرون ڪرڻ ۽ هر طرح جي سرگرمين جي کليل آزادي آهي. پر قائد تحريڪ جناب الطاف حسين جيڪي پاڪستان جي آئين ۽ قانون جو به مڪمل احترام ڪن ٿا. جيڪي پاڪستان کي دهشت گردي ۽ طالبانائزيشن کان نجات ڏيارڻ جي لاءِ ضرب عضب جي به هر طرح سان حمايت ڪري رهيا آهن انهن جي تقريرن ۽ بيانن تي ته پابندي عائد ڪئي وئي آهي جيڪو وڏو ظلم آهي. انهن وڌيڪ چيو ته اهڙيون پاپنديون ته مارشلا جي دور ۾ به پاڪستان ۾ نه لڳايون ويون هيون. انهن انساني حقن ۽ شهري آزادي تي يقين رکڻ وارن سمورن سياسي رهنمائن، صحافين، دانشورن ۽ سول سوسائٽي کي چيو ته انهن کي به آمرانه پابندين جي خلاف آواز بلند ڪرڻ گهرجي. انهن انساني حقن جي ملڪي ۽ بين الاقوامي تنظيمن کي به اپيل ڪئي ته اهي به انهن پابندين جو نوٽس وٺن.