گذريل رات رينجر ۽ ٻين سرڪاري اهلڪارن ايم ڪيو ايم جي ٽن ڪارڪنن کي انهن جي گهرن تي ڇاپا هڻي ڪري گرفتار ڪري ورتو.ترجمان ليگل ايڊ ڪميٽي.
ڪراچي: 5 سيپٽمبر 2015
ايم ڪيو ايم ليگل ايڊ ڪميٽي جي ترجمان رينجر ۽ ٻين سرڪاري اهلڪارن جي طرفان ايم ڪيو ايم جي ڪارڪنن جي بغير ڪنهن جواز جي گرفتارين جي سخت ترين لفظن ۾ مذمت ڪئي آهي. پنهنجي هڪ بيان ۾ ترجمان چيو ته رينجر جي اهلڪارن ايم ڪيو ايم بلديه ٽائون سيڪٽر جي ڪارڪنن رمضان ۽ عارف کي انهن جي گهرن کان گرفتار ڪري ورتو. اهڙي طرح گلشن معمار جي ڪارڪن فرزان ظفر کي به ساده لباس ۾ ملبوس اهلڪارن گرفتار ڪري ورتو آهي. ترجمان چيو ته رينجر ۽ ٻيا سرڪاري اهلڪار ايم ڪيو ايم جي ڪارڪنن جي گهرن تي ڇاپا هڻي رهيا آهن ۽ انهن جي گهر وارن سان بدتميزي به ڪري رهيا آهن. ليگل ايڊ ڪميٽي جي ترجمان مطالبو ڪيو ته ايم ڪيو ايم جي ڪارڪنن جون گرفتاريون فوري طور تي بند ڪيون وڃن ۽ ڇاپن جو سلسلو به فوري طور تي بند ڪيو وڃي.
*****