هندو برادري جي ڏڻ “ رڪشا ٻنڌڻ ” جي موقعي تي ايم ڪيو ايم اقليتي امور ڪميٽي جي تحت “ راکي جو ڏڻ ” ملهايو ويو.
ڪراچي: 29 آگسٽ 2015
هندو برادري جي ڏڻ رڪشا ٻنڌڻ جي موقعي تي ايم ڪيو ايم اقليتي امور ڪميٽي جي تحت راکي جو ڏڻ ملهايو ويو. ان سلسلي ۾ خورشيد بيگم سيڪريٽريٽ ۾ هندو برادري سان تعلق رکندڙ عورتن راکي جي رسم نڀائيندي ايم ڪيو ايم جي قائد جناب الطاف حسين جي نالي جون راکيون رابطا ڪميٽي جي ڊپٽي ڪنوينر شاهد پاشا، رابطا ڪميٽي ميمبرن عارف خان، اسلم خان آفريدي، شبير احمد قائم خاني، ڪمال ملڪ، مطيع الرحمٰن ۽ ٻين جي ٻانهن تي ٻڌيون. ان موقعي تي رابطا ڪميٽي ڳالھ ٻولھ ڪندي چيو ته اها قائد تحريڪ جناب الطاف حسين جي فڪر و فلسفي جي ڪاميابي آهي ته اڄ ايم ڪيو ايم جي شڪل ۾ سمورن مذهبن، مسلڪن، عقيدن ۽ قومن سان تعلق رکڻ وارا ماڻهو هڪ گلدستي وانگر متحد ۽ منظم آهن ۽ قائد تحريڪ جناب الطاف حسين بغير ڪنهن فرق جي پوري انسانيت جي خدمت کي عبادت سمجهن ٿا.ان موقعي تي پرپنڊت گوسوامي وجي مهاراج قائد تحريڪ جناب الطاف حسين جي صحت و سلامتي جي لاءِ خصوصي پراٿنا به ڪرائي.
*****