هندن جي مذهبي ڏڻ رڪشا ٻنڌڻ جي موقعي تي جناب الطاف حسين جي پاڪستان سميت پوري دنيا جي هندو برادري کي دلي مبارڪباد پيش.
رڪشا ٻنڌڻ به محبت ۽ امن جي تعليم جو ڏڻ آهي. قائد تحريڪ جناب الطاف حسين.
لنڊن: 29 آگسٽ 2015
متحده قومي موومينٽ جي قائد جناب الطاف حسين پاڪستان سميت سڄي دنيا ۾ مقيم هندو برادري کي انهن جي مذهبي ڏڻ “ رڪشا ٻنڌڻ ” تي دل جي گهرائين سان مبارڪباد پيش ڪندي فرمايو آهي ته رڪشا ٻنڌڻ به محبت ۽ امن جي تعليم جو ڏڻ آهي. پنهنجي هڪ بيان ۾ جناب الطاف حسين فرمايو ته دنيا جا سمورا مذهب هڪ ٻئي جي احترام ۽ پاڻ ۾ محبت جو درس ڏين ٿا ۽ ڪنهن به ٻئي انسان کي ناحق تڪليف پهچائڻ کان روڪن ٿا. جناب الطاف حسين پاڪستان سميت پوري دنيا ۾ مقيم هندو برادري کي اپيل ڪئي آهي ته اهي پنهنجين مذهبي رسمن جي ادائگي جي موقعي تي ايم ڪيو ايم سان ٿيندڙ ظلمن ۽ ناانصافين جي خاتمي سميت ملڪ جي بقا، سلامتي ۽ امن و ڀائي چاري جي قيام جي لاءِ خصوصي دعائون ڪن.
*****