رينجر ايم ڪيو ايم فيڊرل بي ايريا سيڪٽر جي انچارج فرحان هاشمي کي بغير ڪنهن جواز جي گرفتار ڪري ورتو آهي.
گذريل ڏينهن به رينجر لائينز ايريا سيڪٽر جي ٻن ميمبرن رحيم بيگ ۽ محمد شڪيل کي گرفتار ڪري ورتو هو. ايم ڪيو ايم رابطا ڪميٽي.
ڪراچي: 28 آگسٽ 2015
ايم ڪيو ايم جي رابطا ڪميٽي رينجر ۽ پوليس جي طرفان ايم ڪيو ايم جي بي گناھ ذميوارن ۽ ڪارڪنن جي لڳاتار غير قانوني گرفتارين جي سخت ترين لفظن ۾ مذمت ڪئي آهي . پنهنجي هڪ بيان ۾ رابطا ڪميٽي چيو ته ايم ڪيو ايم فيڊرل بي ايريا جي سيڪٽر انچارج فرحان هاشمي جيڪي نائن زيرو تي اچي رهيا هئا ته انهن کي عائشه منزل وٺان رينجر جي اهلڪارن گرفتار ڪري ورتو آهي. جڏهن ته گذريل ڏينهن به رينجر وارن ايم ڪيو ايم لائينز ايريا جي سيڪٽر آفيس تي ڇاپو هنيو ۽ اتان سيڪٽر ميمبرن رحيم بيگ ۽ محمد شڪيل کي گرفتار ڪري ورتو هو . رابطا ڪميٽي چيو ته رينجر وارن 3 جولائي تي به لائينز ايريا سيڪٽر يونٽ 52 جي ڪارڪنن ارسلان خان، انيس خان ۽ زبير الدين کي گرفتار ڪري ورتو هو. رابطا ڪميٽي چيو ته ايم ڪيو ايم جي ذميوارن ۽ ڪارڪنن جون غير قانوني گرفتاريون ان ڳالھ جو ثبوت آهن ته ايم ڪيو ايم جي عوامي مينيڊيٽ کي تسليم ڪرڻ جي بجاءِ ان جي سياسي ۽ فلاحي سرگرمين تي پابندي لڳائي پئي وڃي ۽ اهي گندا هٿڪنڊا استعمال ڪيا پيا وڃن. رابطا ڪميٽي صدر مملڪت ممنون حسين ۽ وزير اعظم ميان نواز شريف کان مطالبو ڪيو ته اهي ايم ڪيو ايم جي بي گناھ ڪارڪنن جي گرفتارين جو نوٽس وٺن ۽ غير قانوني گرفتارين جو سلسلو فورن بند ڪرائين.
*****