ڪي اليڪٽرڪ جي طرفان بجلي جي اگهن ۾ بغير ڪنهن جواز جي اضافي ۽ صارفين کي اضافي بل موڪلڻ تي ايم ڪيو ايم جي رابطا ڪميٽي جي طرفان مذمت جو اظهار.
ڪراچي: 25 آگسٽ 2015
متحده قومي موومينٽ جي رابطا ڪميٽي ڪي اليڪٽرڪ جي طرفان بجلي جي اگهن ۾ اضافي ۽ صارفين کي اضافي بل موڪلڻ جي سخت ترين لفظن ۾ مذمت ڪئي آهي ۽ ان اقدام کي ڪراچي وارن سان کليل دشمني قرار ڏنو آهي.پنهنجي هڪ بيان ۾ رابطا ڪميٽي چيو ته ڪي اليڪٽرڪ جا صارف مهانگي بجلي جو استعمال ڪري رهيا آهن ۽ ٻئي طرف ڪي اليڪٽرڪ جي طرفان وقفي وقفي سان ڪئي ويندڙ لوڊشيڊنگ جي ڪري به شهري لڳاتار پريشاني ۽ مسئلن جو شڪار آهن. رابطا ڪميٽي چيو ته ڪي اليڪٽرڪ کي پرائيويٽ ڪندي وقت اهو معاهدو ڪيو ويو هو ته ڪي اليڪٽرڪ ايندڙ ستن سالن تائين بجلي جي اگهن ۾ ڪو به اضافو نه ڪندي ۽ شهر جي ضرورت جي مطابق وڌيڪ بجلي پيدا ڪرڻ جي لاءِ نوان يونٽ به لڳائيندي، پر وڌيڪ بجلي پيدا ڪرڻ جي لاءِ ڪنهن به قسم جا قدم نه کنيا ويا ۽ عوام کي ڪوبه فائدو نه ڏنو ويو . رابطا ڪميٽي وزير اعظم ميان نواز شريف ۽ وزير اعلٰي سنڌ سيد قائم علي شاھ کان مطالبو ڪيو ته ڪي اليڪٽرڪ جي طرفان غير اعلانيه لوڊشيڊنگ ۽ اضافي بلنگ جو نوٽس ورتو وڃي .
*****