وفاقي وزير خزانه اسحاق ڊار، مولانا فضل الرحمٰن ۽ سيد خورشيد شاھ ايم ڪيو ايم جي رهنما ڊاڪٽر فاروق ستار سان فون تي ڳالھ ٻولھ ڪئي ۽ انهن کي استعيفائن جي معاملي تي ڳالهيون نه ڪرڻ جي فيصلي تي نظرثاني جي درخواست به ڪئي.
ڪراچي: 22 آگسٽ 2015
وفاقي وزير خزانه اسحاق ڊار، جي يو آئي جي سربراھ مولانا فضل الرحمٰن ۽ اپوزيشن ليڊر سيد خورشيد شاھ ايم ڪيو ايم جي رهنما ڊاڪٽر فاروق ستار سان فون تي رابطو ڪيو ۽ استعيفائن جي معماملي تي ڳالهيون نه ڪرڻ جي فيصلي تي نظر ثاني جي درخواست ڪئي. اڄ منجنهد جو اسحاق ڊار ۽ مولانا فضل الرحمٰن ڊاڪٽر فاروق ستار سان الڳ الڳ رابطا ڪيا. ڊاڪٽر فاروق ستار گذريل ڏينهن وزير اعظم ميان نواز شريف جي طرفان اختيار ڪرڻ واري رويي تي ايم ڪيو ايم جي طرفان سخت تحفظات جو اظهار ڪيو. جنهن تي اسحاق ڊار ۽ مولانا فضل الرحمٰن ڊاڪٽر فاروق ستار کي يقين ڏياريو ته حڪومت ايم ڪيو ايم جي جائز شڪايتن کي دور ڪندي ۽ انهن جو ازالو ڪندي. سيد خورشيد شاھ به ڊاڪٽر فاروق ستار سان ٻه ڀيرا فون تي رابطو ڪيو ۽ انهن کي استعيفائن جي معاملي تي ڳالهين جو سلسلو بحال ڪرڻ جي درخواست ڪئي. ڊاڪٽر فاروق ستار خورشيد شاھ سان ڳالھ ٻولھ ڪندي وزير اعظم ميان نواز شريف جي رويي تي تحفظات جو اظهار ڪيو ۽ انهن کي مانيٽرنگ ڪميٽي جي قيام جي معاملي تي وزير اعلٰي سنڌ سيد قائم علي شاھ جي رويي تي به سخت تحفظات جو اظهار ڪيو. خورشيد شاھ ايم ڪيو ايم جي موقف کي درست قرار ڏيندي چيو ته جمهوري نظام جي لاءِ ڳالهين جي عمل جي ذريعي ئي شڪايتن کي سامهون رکڻ گهرجي. سيد خورشيد شاھ ان دوران وزير اعظم سان به رابطو ڪيو.
*****