دهشت گردن جي فائرنگ سان ايم ڪيو ايم اورنگي ٽائون سيڪٽر يونٽ 124 جي سرڪل انچارج عبدالرحيم جي شهادت تي جناب الطاف حسين جي طرفان دلي تعزيت ۽ افسوس جو اظهار.
لنڊن: 18 آگسٽ 2015
متحده قومي موومينٽ جي قائد جناب الطاف حسين دهشت گردن جي فائرنگ سان ايم ڪيو ايم اورنگي ٽائون سيڪٽر يونٽ 124 جي سرڪل انچارج عبدالرحيم جي شهادت تي وڏي ڏک ۽ افسوس جو اظهار ڪيو آهي. پنهنجي هڪ تعزيتي بيان ۾ جناب الطاف حسين فرمايو ته عبدالرحيم کي دهشت گردن پهرين فائرنگ ڪري سخت زخمي ڪيو ۽ پوءِ جڏهن انهن کي ايمبولينس جي ذريعي اسپتال آندو پيو وڃي ته دهشت گردن ايمبولينس تي فائرنگ ڪري ڏني جنهن جي نتيجي ۾ اهي موقعي تي ئي شهيد ٿي ويا. جناب الطاف حسين شهيد جي سوگوار پونئرن سان دلي تعزيت ۽ همدردي جو اظهار ڪندي فرمايو ته مون سميت ايم ڪيو ايم جا سمورا ڪارڪن اوهان جي ڏک ۾ برابر جا شريڪ آهن. جناب الطاف حسين دعا فرمائي ته الله تعالٰي شهيد کي جنت الفردوس ۾ اعلٰي مقام عطا فرمائي ۽ پونئرن کي اهو صدمو برداشت ڪرڻ جو حوصلو عطا فرمائي. آمين.
*****