نائن زيرو پهچڻ تي مولانا فضل الرحمٰن جو شاندار استقبال ڪيو ويو ۽ انهن تي گل به نچاور ڪيا ويا.
ڊاڪٽر فاروق ستار مولانا فضل الرحمٰن کي آپريشن جي آڙ ۾ ايم ڪيو ايم جي بي گناھ ڪارڪنن جي ماورائي عدالت قتلن، ڪارڪنن کي لاپتا ڪرڻ ۽ انهن جي گرفتارين جي واقعن جون تفصيلات به پيش ڪيون.ان موقعي تي شهيدن جي پونئرن ۽ لاپتا ڪارڪنن جي گهر وارن به مولانا فضل الرحمٰن سان ملاقات ڪئي ۽ انهن کي پنهنجا ڏک ٻڌايا.
ڪراچي: 18 آگسٽ 2015
اڄ مولانا فضل الرحمٰن نائن زيرو جو دورو ڪيو ۽ رابطا ڪميٽي جي انچارج ڪهف الورٰي، رابطا ڪميٽي ميمبرن ڊاڪٽر فاروق ستار، عارف خان ايڊووڪيٽ، شبير احمد قائم خاني، امين الحق، اسلم آفريدي، گلفراز خان خٽڪ، محترمه زرين مجيد، محمد حسين ۽ عبدالقادر خانزاده سان ملاقات ڪئي. وفد ۾ وفاقي وزير اڪرم دراني، مولانا صاحب جا خصوصي معاون محمد طارق ، ڪراچي جا امير قاري عثمان ۽ ٻيا به موجود هئا. مولانا صاحب جڏهن نائن زيرو پهتا ته انهن جو شاندار استقبال ڪيو ويو ، انهن تي گل به نچاور ڪيا ويا ۽ انهن کي گلدستو به پيش ڪيو ويو. ملاقات جي دوران ڊاڪٽر فاروق ستار مولانا صاحب کي ڪراچي آپريشن جي آڙ ۾ ايم ڪيو ايم جي ڪارڪنن جي ماورائي عدالت قتلن، انهن کي لاپتا ڪرڻ ۽ گرفتارين کان پوءِ انهن تي سخت تشدد ڪرڻ جون تفصيلات به پيش
ڪيون. ان کان پوءِ ايم ڪيو ايم جي شهيدن جي پونئرن ۽ لاپتا ڪارڪنن جي گهر وارن به مولانا صاحب سان ملاقات ڪئي ۽ انهن کي پنهنجن پيارن جي ماورائي عدالت قتلن ۽ انهن کي لاپتا ڪرڻ جي واقعن جون تفصيلات ٻڌايون ۽ مولانا صاحب کي هٿ ٻڌي ڪري انصاف فراهم ڪرڻ جون اپيلون ڪيون. ان موقعي تي مولانا صاحب ايم ڪيو ايم جي شهيدن جي پونئرن ۽ لاپتا ڪارڪنن جي گهر وارن کي تسلي ڏني ۽ انهن کي انصاف فراهم ڪرڻ جي خاطري به ڪرائي.
*****