ايم ڪيو ايم جي زير اهتمام جناح گرائونڊ عزيز آباد ۾ پاڪستان جو 68 هون يوم آزادي وڏي جوش ۽ جذبي سان ملهايو ويو.

ڪراچي: 15 آگسٽ 2015 

             ايم ڪيو ايم جي زير اهتمام پاڪستان جو 68 هون يوم آزادي  وڏي جوش ۽ جذبي سان ملهايو ويو. ان سلسلي ۾ جناح گرائونڊ عزيز آباد ۾ 13 ۽ 14 آگسٽ تي ٻن ڏينهن جو اجتماع منعقد ڪيو ويو. جنهن ۾ عوام تمام وڏي تعداد ۾ شرڪت ڪئي ۽ ورائٽي پروگرام کان به لطف اندوز ٿيا. ورائٽي پروگرام کي جناب الطاف حسين خطاب به فرمايو ۽ حاضرين سميت سمورن پاڪستاني ڀائرن کي يوم آزادي جي دلي مبارڪباد به پيش ڪئي. اهو ورائٽي پروگرام عوام جي شرڪت جي لحاظ کان ملڪي تاريخ جو سڀني کان وڏو اجتماع هو.جنهن ۾ لکين ماڻهن شرڪت ڪري قائد تحريڪ جناب الطاف حسين ۽ ايم ڪيو ايم تي پنهنجي ڀرپور اعتماد جو اظهار ڪيو ۽ ملڪ سان محبت جو وڏو ثبوت به ڏنو. ورائٽي پروگرام ۾ ملڪ جي نامور فنڪارن حسن جهانگير، ارجمن، هني خان، شهنشاھ غزل مهدي حسن جي پٽ آصف حسن مهدي، امبر انصاري، سيمي صديقي، معروف مزاحيه فنڪارن پرويز صديقي، خالد رضا ۽ ٻين فنڪارن به شرڪت ڪئي ۽ پنهنجي فن جو مظاهرو ڪيو. ان کان پوءِ قائد تحريڪ جناب الطاف حسين جي طرفان فنڪارن ۾ هڪ هڪ هزار روپين جا روڪ انعام ۽ تحفا به ورهايا ويا.

*****