ڪراچي ۾ جعلي کير بڻائڻ ۽ وکڻڻ جي ڪاروبار تي ايم ڪيو ايم جي قومي اسيمبلي جي ميمبرن جي طرفان مذمت جو اظهار.
ڪراچي: 15 آگسٽ 2015
قومي اسيمبلي جي حق پرست ميمبرن ڪراچي ۾ جعلي کير بڻائڻ ۽ وکڻڻ جي ڪاروبار جي سخت ترين لفظن ۾ مذمت ڪئي آهي ۽ مطالبو ڪيو آهي ته انساني صحت جي لاءِ انتهائي نقصانڪار کير بڻائڻ وارين فيڪٽرين کي فوري طور تي بند ڪرايو وڃي. پنهنجي هڪ گڏيل بيان ۾ انهن چيو ته جعلي کير بڻائڻ ۽ وکڻڻ جي مڪروھ ڪاروبار ۾ ملوث ماڻهو هڪ وڏو ڏوھ ڪري رهيا آهن جنهن جي جيتري به مذمت ڪئي وڃي اها گهٽ آهي. انهن چيو ته جعلي کير ۾ ايمونيم جي تعداد تمام گهڻي هوندي آهي جنهن سان ماڻهن ۾ بيماريون پيدا ٿي سگهن ٿيون، جڏهن ته اهو سلوپوائزن به آهي جنهن سان ماڻهن خصوصن ٻارن جي زندگي کي سخت خطرا لاحق ٿي سگهن ٿا. انهن وزير اعظم ميان نواز شريف ۽ وزير اعلٰي سنڌ سيد قائم علي شاھ کان مطالبو ڪيو ته اهي ڪراچي ۾ جعلي کير بڻائڻ جي ڪاروبار ۾ ملوث ماڻهن کي فوري طور تي گرفتارڪرائين ۽ جعلي کير جي فيڪٽرين جو ليبارٽرين مان ٽيسٽ به ڪرايو وڃي ۽ ان ۾ ملوث ماڻهن کي سخت ترين سزا ڏني وڃي.
*****