آزادي جي حصول جي لاءِ جدوجهد ڪرڻ وارن جي قربانين جو احترام ڪرڻ گهرجي.قائد تحريڪ جناب الطاف حسين.
پاڪستان جي 68 هين يوم آزادي جي موقعي تي قائد تحريڪ جناب الطاف حسين جو پيغام ۽ سمورن پاڪستاني ڀائرن کي دلي مبارڪباد پيش.
لنڊن: 13 آگسٽ 2015
متحده قومي موومينٽ جي قائد جناب الطاف حسين سمورن پاڪستاني ڀائرن کي پاڪستان جي 68 هين يوم آزادي جي دلي مبارڪباد پيش ڪئي آهي. يوم آزادي جي موقعي تي پنهنجي هڪ خصوصي پيغام ۾ جناب الطاف حسين فرمايو ته آزادي الله تعالٰي جي هڪ نعمت آهي، اسان کي آزادي جي قدر ڪرڻ گهرجي. پاڪستان لکين مسلمانن جي جاني ۽ مالي قربانين کان پوءِ وجود ۾ آيو آهي ۽ اسان کي آزادي جي حصول جي لاءِ جدوجهد ڪرڻ وارن ۽ قربانيون ڏيڻ وارن جي قربانين جو احترام ڪرڻ گهرجي. انهن فرمايو ته پاڪستان کي اڄ جن چيلنجن جو سامنو آهي، ان جو تقاضا آهي ته سمورين قومن، نسلن ۽ لساني قومن، فقهن ۽ مذهبن سان تعلق رکڻ وارڻ ماڻهن سان انصاف ڪيو وڃي. انهن کي انهن جا جائز حق ڏنا وڃن، انهن جي محرومي دور ڪئي وڃي ۽ سڀني سان هڪ جهڙو سلوڪ ڪيو وڃي. انهي صورت ۾ هڪ قوم جو تصور پروان چڙهي سگهي ٿو ۽ ملڪ ۾ قومي ڀائيچارو قائم ٿي سگهي ٿو.
*****