ايم ڪيو ايم جي زير اهتمام شاھ فيصل ڪالوني ۾ فارميسي ۽ ليبارٽري سينٽر جو افتتاح ڪيو ويو.
ڪراچي: 13 آگسٽ 2015
متحده قومي موومينٽ جي فلاحي اداري ڪي ڪي ايف جي زير اهتمام شاھ فيصل ڪالوني نمبر 2 ۾ ڪارڊڪ ايمرجنسي سينٽر جو افتتاح ڪيو ويو. فارميسي ۽ ليبارٽري جو افتتاح رابطا ڪميٽي جي ميمبرن شبير احمد قائم خاني،امين الحق ۽ ڪي ڪي ايف جي چيف ٽرسٽي ڊاڪٽر نصرت ڪيو. ان موقعي تي ڪارڊڪ سينٽر جي افتتاحي تقريب منعقد ڪئي وئي جنهن ۾ سابق حق پرست سينيٽر عبدالحسيب ۽ ٻين به شرڪت ڪئي. تقريب کي خطاب ڪندي شبير احمد قائم خاني چيو ته ڪي ڪي ايف فلاحي سرگرمين جو فعال ترين ادارو آهي ۽ اهو پنهنجي قيام کان وٺي ڪري انسانيت جي بغير ڪنهن فرق جي خدمت ڪري رهيو آهي. انهن چيو ته جناب الطاف حسين ڪي ڪي ايف جو قيام ڏکايل انسانيت جي خدمت جي لاءِ عمل ۾ آندو هو ۽ ان اداي جي تحت غريب نياڻين جي شادين جي جهيز جو انتظام ڪرڻ ۽ غريبن جي امداد جو سلسلو سڄو سال جاري رهي ٿو ۽ ان مان هزارين ماڻهو فائدو حاصل ڪن ٿا. تقريب کي رابطا ڪميٽي ميمبر امين الحق خطاب ڪندي چيو ته ايم ڪيو ايم کان علاوه ٻين سياسي جماعتن جو رجحان عوامي مسئلن جي بجاءِ هميشه ذاتي مفادن جي حصول ڏانهن رهيو آهي جڏهن ته قائد تحريڪ جناب الطاف حسين جي قيادت ۾ ايم ڪيو ايم واحد سياسي جماعت آهي جيڪا عوامي مسئلن جي حل جي لاءِ ڪوشان آهي ۽ فلاحي سرگرمين ۾ وڌي چڙهي ڪري حصو وٺندي رهي آهي. افتتاحي تقريب کي سابق حق پرست سينيٽر عبدالحسيب، سابق اسيمبلي ميمبرن نشاط ضياء قادري ۽ ارشد وهرٰي به خطاب به ڪيو.
*****