نبيل گبول احسان فراموشي نه ڪن ۽ پنهنجي اوقات ۾ رهن. رابطا ڪميٽي ميمبر قاسم علي رضا.
لنڊن: 11 آگسٽ 2015
متحده قومي موومينٽ جي رابطا ڪميٽي جي ميمبر قاسم علي رضا سابق ميمبر قومي اسيمبلي نبيل گبول جي بيهوده بڪواس ۽ قائد تحريڪ جناب الطاف حسين تي بي بنياد بهتان هڻڻ جي سخت ترين لفظن ۾ مذمت ڪندي چيو آهي ته نبيل گبول احسان فراموشي نه ڪن ۽ پنهنجي اوقات ۾ رهن. پنهنجي هڪ بيان ۾ قاسئ علي رضا چيو ته نبيل گبول رينجر جي سيڪيورٽي حاصل ڪرڻ جي لاءِ سياسي ڊرامي بازي ڪري رهيا آهن. جيڪو انهن جي گهٽياپڻ جو هڪ وڏو ثبوت آهي.انهن چيو ته سياسي طور تي يتيم ٿي ويندڙ نبيل گبول احسان فراموشي ۽ منافقت جو مظاهرو ڪري رهيا آهن، نبيل گبول محفلن ۾ ته قائد تحريڪ جناب الطاف حسين کي هڪ مدبر سياسي رهنما قرار ڏين ٿا پر ٻئي طرف ذاتي مفادن جي حصول جي لاءِ گهٽياپڻ جو مظاهرو ڪري پنهنجن وڏن جي تربيت جو جنازو به ڪڍي رهيا آهن جيڪا انتهائي افسوس جي ڳالھ آهي. قاسم علي رضا چيو ته پنهنجي سيڪيورٽي جي لاءِ درخواست ڪرڻ نبيل گبول جو حق آهي پر ان مقصد جي لاءِ جناب الطاف حسين تي بهتان هڻڻ هڪ ڪريل حرڪت ۽ احسان فراموشي آهي. نبيل گبول کي پنهنجي اوقات نه وسارڻ گهرجي ۽ ڪروڙين عوام جي قائد جناب الطاف حسين جي خلاف بيهوده بڪواس ڪرڻ جي بجاءِ پنهنجي اوقات ۾ ڏسڻ گهرجي.
*****