محترمه ريحانه يوسف زئي، محمد ڪمال ملڪ ۽ شاهد پاشا کي ايم ڪيو ايم جي رابطا ڪميٽي ۾ شامل ڪيو ويو آهي.
ڪراچي: 8 آگسٽ 2015
ايم ڪيو ايم جي مرڪزي اليڪشن جي ميمبرن محمد ڪمال ملڪ، شاهد پاشا ۽ ليگل ايڊ ڪميٽي جي ميمبر ريحانه يوسف زئي کي رابطا ڪميٽي ۾ شامل ڪيو ويو آهي. ان ڳالھ جو فيصلو ايم ڪيو ايم لنڊن ۽ پاڪستان جي رابطا ڪميٽي جي ميمبرن جي اجلاس ۾ ڪيو ويو. شاهد پاشا تحريڪ جا سينيئر ڪارڪن آهن، ان کان اڳ اهي فيڊرل بي ايريا سيڪٽر جا جوائنٽ انچارج ۽ نگران سيڪٽر انچارج جي ذميوارين تي به فائز رهي چڪا آهن.محمد ڪمال ملڪ ان کان اڳ ملير سيڪٽر جا انچارج رهي چڪا آهن ۽ سينيئر ڪارڪن به آهن. محترمه ريحانه يوسف زئي جو شمار به ايم ڪيو ايم جي سينيئر ڪارڪنن ۾ ٿئي ٿو ۽ اهي سنڌ اسيمبلي جي ميمبر به رهي چڪيون آهن. ان کان علاوه قائد تحريڪ جناب الطاف حسين رابطا ڪميٽي جي ان فيصلي جي توثيق ڪري ڇڏي آهي.
*****