تحريڪ انصاف جي روڊ ماپڻ وارا پنهنجي اوقات ۾ رهن. قاسم علي رضا.
لنڊن: 8 آگسٽ 2015
ايم ڪيو ايم جي رابطا ڪميٽي جي ميمبر قاسم علي رضا چيو آهي ته تحريڪ انصاف جي روڊ ماپڻ وارا پنهنجي اوقات ۾ رهن ۽ قائد تحريڪ جناب الطاف حسين جي خلاف بڪواس ڪرڻ بند ڪري ڇڏين. پنهنجي هڪ بيان ۾ انهن چيو ته قائد تحريڪ جناب الطاف حسين سڄي ملڪ جي عوام جا متفقه قائد آهن. ڪروڙين عوام انهن سان بي پناھ محبت ڪن ٿا.پر ڪجھ روڊ ماپڻ وارا پنهنجي سياسي قد ڪاٺ کان وڌي ڪري ۽ جناب الطاف حسين جي خلاف بيان ڏيئي ڪري پرامن عوام کي ڪاوڙ ڏيارڻ جي ڪوشش ڪري رهيا آهن. قاسم علي رضا چيو ته سياسي مخالفت سڀني جو جمهوري حق آهي پر سياسي مخالفت ۾ انهن کي چنڊ تي ٿڪ اڇلائڻ کان پاسو ڪرڻ گهرجي ۽ انهن کي پنهنجي اوقات ۾ رهڻ گهرجي.
*****