ڪارڪنن جي ماورائي عدالت قتل، ڇاپن، گرفتارين ۽ ڪارڪنن کي لاپتا ڪرڻ جي خلاف لنڊن 10 ڊائوننگ اسٽريٽ تي ايم ڪيو ايم جو احتجاجي مظاهرو.
لنڊن: 10 آگسٽ 2015
ايم ڪيو ايم جي ڪارڪنن جي ماورائي عدالت قتلن، ڇاپن،گرفتارين ۽ انهن کي لاپتا ڪرڻ جي واقعن جي خلاف ايم ڪيو ايم جي طرفان لنڊن ۾ برطانوي وزير اعظم جي سرڪاري رهائشگاھ 10 ڊائوننگ اسٽريٽ جي سامهون هڪ احتجاجي مظاهرو ڪيو ويو. مظاهري ۾ سوين ماڻهن شرڪت ڪئي جن ۾ ذميوارن ۽ ڪارڪنن سان گڏو گڏ عورتن ۽ بزرگن جي به وڏي تعداد شامل هئي. مظاهري ۾ پاڪستانين به وڏي تعداد ۾ شرڪت ڪئي. مظاهري ۾ رابطا ڪميٽي ميمبرن مصطفٰي عزيز آبادي،اظهار احمد خان، ڊاڪٽر سليم دانش، انبساط ملڪ، سينٽرل ايگزيڪٽو ڪائونسل جي ميمبرن طارق جاويد، محمد شريف، سينيئر ميمبر محمد انور ۽ ٻين کان علاوه شهيد رهنما ڊاڪٽر عمران فاروق جي بيوه شمائله عمران به شرڪت ڪئي. مظاهرين پنهنجن هٿن ۾ ايم ڪيو ايم ۽ پاڪستان جا جهنڊا ۽ جناب الطاف حسين جي تصويرن کان علاوه پلي ڪارڊ به کنيا هئا جن تي ايم ڪيو ايم جي ڪارڪنن جي ماورائي عدالت قتلن، ڪارڪنن جي گرفتارين ، لاپتا ڪرڻ ۽ مهاجرن تي ظلم بند ڪريو جا جملا تحرير هئا. ان موقعي تي ايم ڪيو ايم رابطا ڪميٽي ۽ ٻين مظاهرين کي خطاب به ڪيو ۽ انهن ايم ڪيو ايم جي ڪارڪنن جي گرفتارين، انهن کي لاپتا ڪرڻ ۽ انساني حقن جي خلاف ورزين جي سخت ترين لفظن ۾ مذمت به ڪئي ۽ رياستي آپريشن بند ڪرڻ جي اپيل به ڪئي.ان موقعي تي رابطا ڪميٽي برطانوي وزير اعظم جي رهائشگاھ 10 ڊائوننگ وڃي ڪري پٽيشن به پيش ڪئي.
*****