قصور ۾ ٻارن سان جنسي زيادتين جو اسڪينڊل انتهائي شرمناڪ آهي. ايم ڪيو ايم رابطا ڪميٽي.
ڪراچي: 9 آگسٽ 2015
متحده قومي موومينٽ جي رابطا ڪميٽي پنجاب جي شهر قصور ۾ ٻارن سان جنسي زيادتي جي اسڪينڊل کي انتهائي شرمناڪ قرار ڏيندي حڪومت کان مطالبو ڪيو آهي ته وحشياڻي واقعي ۾ ملوث سمورن وحشين کي فوري طور تي گرفتار ڪيو وڃي. پنهنجي هڪ بيان ۾ رابطا ڪميٽي چيو ته پنجاب حڪومت گڊ گورننس جا دعوٰي ته وڏا وڏا ڪري ٿي پر قصور ۾ ٻارن سان زيادتين ٿيڻ ۽ انهن معصوم ٻارن جون وڊيو ڀري انهن جي گهر وارن کي بليڪ ميل ڪري وڏيون رقمون وصول ڪرڻ جوسلسلو ڪيترن ئي سالن کان جاري آهي پر پنجاب حڪومت انهن وحشين جي خلاف ڪابه ڪاروائي نه ڪئي آهي بلڪه اها ڳالھ وڏي شرمناڪ آهي ته قصور جي پوليس ۽ انتظاميه ان واقعي کي زمينن جو جهيڙو قرار ڏيئي ڪري ان معاملي تي پردو وجهڻ جي ڪوشش ڪري رهي آهي. رابطا ڪميٽي چيو ته اهو واقعو پنجاب تي ئي نه بلڪه اسان جي ملڪ جي مٿي تي به هڪ بدنما داغ آهي. رابطا ڪميٽي متاثر ٿيندڙ ٻارن جي والدين سان ان معاملي تي همدردي ۽ افسوس جو اظهار به ڪيو.
*****