قائد تحريڪ جناب الطاف حسين ڀارتي حڪومت يا ڀارتي هائي ڪمشنر کي ڪوئي به خط نه لکيو آهي. ايم ڪيو ايم ترجمان.

لنڊن: 7 آگسٽ 2015 

              متحده قومي موومينٽ جي ترجمان ڪجھ مخالفن جي طرفان گذريل ڏينهن رابطا ڪميٽي جي ميمبرن جي طرفان سفارتڪارن ۽  انساني حقن جي تنظيمن کي لکيل خط کي قائد تحريڪ جناب الطاف حسين سان منسوب ڪرڻ جي سخت ترين لفظن ۾ مذمت ڪئي آهي. پنهنجي هڪ بيان ۾ ترجمان واضع لفظن ۾ چيو ته قائد تحريڪ جناب الطاف حسين جي طرفان ڀارتي حڪومت يا اسلام آباد ۾ موجود ڀارتي هائي ڪمشنر کي ڪوئي به خط نه لکيو ويو آهي ۽ ان باري ۾ ڪجھ مخالف سياسي رهنمائن ۽ ميڊيا جي هڪ مخصوص طبقي جي طرفان ڪيو ويندڙ پروفيگنڊو بلڪل غلط ۽ بي بنياد آهي. ترجمان چيو ته گذريل ڏينهن جنهن خط جو ذڪر ڪيو ويو هو اهو قائد تحريڪ جناب الطاف حسين جو نه بلڪه رابطا ڪميٽي جي ٽن ميمبرن جي طرفان لکيل هو، جنهن جي باري ۾ گذريل ڏينهن ئي وضاحت ڪئي وئي هئي ته اهو خط انساني حقن جي تنظيمن سان گڏو گڏ پنجاھ کان وڌيڪ ملڪن جي سفارتخانن کي به موڪليو ويو هو ۽ هڪ دفتري غلطي جي ڪري انڊين هائي ڪميشن کي به ارسال ٿي ويو هو پر ان وضاحت جي باوجود به ڪجھ ايم ڪيو ايم دشمن عناصر ايم ڪيو ايم کي بيجا تنقيد جو نشانو بڻائي رهيا آهن ۽ ان خط کي قائد تحريڪ جناب الطاف حسين سان منسوب ڪري عوام کي گمراھ ڪرڻ جي ڪوشش ڪري رهيا آهن جنهن جي جيتري به مذمت ڪئي وڃي اها گهٽ آهي.

*****