جناب الطاف حسين تي ڪوڙا الزام لڳائڻ وارا جاويد هاشمي پاڻ سڀني کان وڏا ملڪ دشمن ۽ ڪوڙا آهن. قاسم علي رضا.
لنڊن: 5 آگسٽ 2015
متحده قومي موومينٽ جي رابطا ڪميٽي جي ميمبر قاسم علي رضا سينيئر سياستدان جاويد هاشمي جي بيان جي سخت مذمت ڪندي چيو آهي ته جناب الطاف حسين تي ڪوڙا الزام لڳائڻ وارا پاڻ سڀني کان وڏا ملڪ دشمن آهن. پنهنجي هڪ بيان ۾ قاسم علي رضا چيو ته جاويد هاشمي صاحب کي جناب الطاف حسين تي بهتان هڻڻ کان اڳ شرم اچڻ گهرجي ها. جناب الطاف حسين جي ان وضاحت کان پوءِ ته “ مان پنهنجي خطاب ۾ ڀارتي فوج يا ڀارتي حڪومت کان مهاجرن کي ظلم کان بچائڻ جو ڪوئي مطالبو بلڪل نه ڪيو آهي” جي باوجود جيڪي عناصر انهن تي ڀارت کان مدد وٺڻ جا بي بنياد ۽ ڪوڙا الزام لڳائي رهيا آهن ۽ عوام کي گمراھ ڪري رهيا آهن، حقيقت ۾ اهي ئي ملڪ ۽ قوم جا سڀني کان وڏا دشمن آهن. انهن چيو ته جاويد هاشمي جي جماعت تحريڪ انصاف اسلام آباد ۾ ڌرڻي جي دوران پي ٽي وي ۽ پارليامينٽ تي حملو ڪيو پر ان وقت جاويد هاشمي صاحب جي حب الوطني آرام ڇو ڪري رهي هئي. قوم ڄاڻڻ چاهي ٿي ته انهن قومي تنصيبات تي حملو ڪرڻ تي عمران خان جي خلاف غداري جو مقدمو قائم ڪرڻ جو مطالبو ڇو نه ڪيو. قاسم علي رضا چيو ته جاويد هاشمي صاحب کي تعصب جي عينڪ لاهي ڪري حقيقتن جو مشاهدو ڪرڻ گهرجي ۽ منافقت واري ڳالھ ڪرڻ کان پاسو ڪرڻ گهرجي.