ڪراچي کان حيدرآباد ويندڙ 12 لاپتا ڪارڪنن ۽ همدردن کي فوري طور تي بازياب ڪرايو وڃي. ايم ڪيو ايم رابطا ڪميٽي.
ڪراچي؛ 29 جولائي 2015
متحده قومي موومينٽ جي رابطا ڪميٽي حيدرآباد ۾ شادي جي تقريب ۾ ويندڙ ايم ڪيو ايم گلستان جوهر سيڪٽر جي چئن ڪارڪنن ۽ 8 همدردن جي گمشدگي تي وڏي ڳڻتي جو اظهار ڪيو آهي. پنهنجي هڪ بيان ۾ رابطا ڪميٽي چيو ته ايم ڪيو ايم گلستان جوهر سيڪٽر يونٽ بي جي ذميوار وليد ڪمال ولد عارف ڪمال، يونٽ بي جي ذميوار شاديان رحمان، ڪارڪنن ياسر ڪاظمي ۽ ساجد عثماني سميت همدردن عادل، راحيل خان، اسد رضا، سعد هاشمي، عديل مرزٰي، وسيم ، ريحان ۽ جنيد علي شادي جي شرڪت ۾ ٽن گاڏين ۾ سوار ٿي ڪري ڪراچي کان حيدرآباد روانا ٿيا هئا. انهن ڪارڪنن ۽ همدردن جو رات تقريبن ساڍي ڏهين وڳي پنهنجن گهر وارن سان رابطو ڪٽجي ويو ۽ هن مهل تائين انهن جي ڪائي به خبر نه آهي. رابطا ڪميٽي وزير اعظم ميان نواز شريف، وفاقي وزير داخلا چوڌري نثار علي خان ، وزير اعلٰي سنڌ سيد قائم علي شاھ ۽ صوبائي وزير داخلا سهيل انور سيال کان مطالبو ڪيو ته ايم ڪيو ايم جي لاپتا ڪيل ڪارڪنن ۽ همدردن جي خيريت سان بازيابي جي لاءِ فوري طور تي قدم کنيا وڃن ۽ سمورن گم ٿيلن کي فوري طور تي بازياب ڪرايو وڃي.
*****