سينيئر مهاجر ورلڊ ڪانگريس جي جوڙ جڪ جي سلسلي ۾ ايم ڪيو ايم جي قائد جناب الطاف حسين ڪيترن ئي مهاجر دانشورن، پروفيسرن، وڪيلن ۽ ٽيڪنوڪريٽن سان رابطا ڪيا۽ انهن کي مهاجر ورلڊ ڪانگريس جي پليٽ فارم جي مقصدن کان به آگاھ ڪيو.

لنڊن؛ 28 جولائي 2015 

           سينيئر مهاجر ورلڊ ڪانگريس جي جوڙ جڪ جي سلسلي ۾ ايم ڪيو ايم جي قائد جناب الطاف حسين وڌيڪ ڪيترن ئي مهاجر دانشورن، پروفيسرن، وڪيلن ۽ ٽيڪنوڪريٽن سان رابطا ڪيا آهن ۽ انهن کي سينيئر مهاجر ورلڊ ڪانگريس جي پليٽ فارم جي مقصدن جي حوالي سان آگاھ ڪيو. سمورين شخصيتن ان پليٽ فارم جي اغراض و مقاصد جي مڪمل حمايت ڪئي ۽ ان سلسلي ۾ ڀرپور تعاون جي خاطري به ڪرائي. ان موقعي تي ڳالھ ٻولھ ڪندي جناب الطاف حسين فرمايو ته اسان جي جدوجهد ڪنهن هڪ ماڻهو يا گهڻڻ ماڻهن جي لاءِ نه بلڪه پوري قوم جي گڏيل مفادن، انهن جي حقن جي حصول ۽ ايندڙ نسلن جي بهتر مستقبل جي لاءِ آهي ۽ ان مقصد جي لاءِ اسان ڪنهن به قرباني ڏيڻ کان نه ڪيٻائينداسين. انهن فرمايو ته منهنجي اپيل تي مهاجر دانشورن، پروفيسرن، بيوروڪريٽن، انجنيئرن، ڊاڪٽرن، رانڌيگرن، تاريخدانن، ليکڪن، صحافين، شاعرن، اديبن ۽ عالم سڳورن جي طرفان  سينيئر مهاجر ورلڊ ڪانگريس ۾ شموليت جي لاءِ جنهن مثبت رڌ عمل جو اظهار ڪيو پيو وڃي ۽ زندگي جي مختلف شعبن سان تعلق رکڻ وارا مهاجر اڪابر پنهنجا ڪوائف نامه موڪلي رهيا آهن اها نه صرف حوصلو وڌائنيدڙ ڳالھ آهي بلڪه ان ڳالھ جو به ثبوت آهي ته ڏاها، تعليم يافته ۽ تجربي ڪار مهاجر اڪابر به دنيا ۾ قوم جو مقدمو وڙهڻ ۽ پنهنجي ايندڙ نسلن جي بهتر مستقبل جي لاءِ پرعزم آهن. جناب الطاف حسين فرمايو ته انشاء الله تعالٰي مهاجر اڪابرن جو اتحاد ۽ سينيئر مهاجر ورلڊ ڪانگريس جو قيام مهاجرن تي ڪيل رياستي ظلمن جي خاتمي ۽ انهن جي ڇنيل حقن جي حصول جي لاءِ اهم سنگ ميل ثابت ٿيندو. جناب الطاف حسين پاڪستان سميت سڄي دنيا ۾ مقيم مهاجر اڪابرن کي هڪ ڀيرو ٻيهر اپيل ڪئي ته جيڪي اڪابر سينيئر مهاجر ورلڊ ڪانگريس ۾ شموليت جا خواهشمند آهن اهي نائن زيرو يا ايم ڪيو ايم انٽرنيشنل سيڪريٽريٽ لنڊن تي پنهنجا ڪوائف نامه موڪلين.

*****