ايم ڪيو ايم آمريڪا جو ڪراچي ۾ مهاجرن جي خلاف جاري رياستي آپريشن جي خلاف وائيٽ هائوس جي سامهون وڏو احتجاجي مظاهرو.
واشنگٽن ڊي سي: 26 جولائي 2015
ڪراچي ۾ مهاجرن تي رياستي آپريشن جي خلاف ايم ڪيو ايم آمريڪا جي زير اهتمام واشنگٽن ڊي سي ۾ وائيٽ هائوس جي سامهون هڪ وڏو احتجاجي مظاهرو ڪيو ويو. مظاهري ۾ ايم ڪيو ايم آمريڪا جي سينٽرل ڪميٽي جي ميمبرن، چيپٽر انچارج فيصل عثمان ۽ چيپٽر ڪميٽي کان علاوه ڪارڪنن ۽ عوام وڏي تعداد ۾ شرڪت ڪئي. مظاهرين جناب الطاف حسين ۽ مهاجرن جي لاءِ الڳ صوبي جي حق ۾ ۽ مهاجرن تي ٿيندڙ رياستي ظلمن جي خلاف وڏا نعرا هنيا ۽ انهن پنهنجن هٿن ۾ پلي ڪارڊ به کنيا هئا جن تي مهاجرن جي غير قانوني گرفتارين، ماورائي عدالت قتلن ۽ انساني حقن جي خلاف ورزين جي حوالي سان نعرا به درج هئا. ان موقعي تي مقررن خطاب ڪندي پاڪستان جي رياست جي طرفان مهاجر دشمن اقدامات ۽ ڪاروائين تي وڏي ڳڻتي جو اظهار به ڪيو. انهن چيو ته پاڪستاني حڪومت ۽ سيڪيورٽي ادارا 5 ڪروڙ مهاجرن جي استحصال ۽ قتل عام ۾ برابر جا شريڪ آهن ۽ مهاجر قوم پنهنجي بقا جي لاءِ عالمي برادري ڏانهن ڏسڻ تي مجبور ٿي وئي آهي. انهن آمريڪي صدر بارڪ اوباما، آمريڪي سينيٽ ۽ ڪانگريس جي ميمبرن کي به اپيل ڪئي ته اهي مهاجرن جي نسل ڪشي روڪرائڻ جي لاءِ پاڪستاني حڪومت ۽ رياست تي پنهنجو اثر و رسوخ استعمال ڪن. مظاهري جي آخر ۾ قائد تحريڪ جناب الطاف حسين جي سلامتي، شهيدن جي مغفرت ۽ مهاجر قوم جي بهتر مستقبل جي لاءِ دعا به ڪئي وئي.
*****