رينجر حق پرست ميمبر قومي اسيمبلي علي رضا عابدي جي ريسٽورنٽ جو سامان کڻي ڪري چوري جي ڪاروائي ڪئي آهي.قائد تحريڪ جناب الطاف حسين.
لنڊن؛ 26 جولائي 2015
متحده قومي موومينٽ جي قائد جناب الطاف حسين پنهنجي هڪ بيان ۾ فرمايو آهي ته رينجر حق پرست ميمبر قومي اسيمبلي علي رضا عابدي جي ريسٽورنٽ تي ڇاپو نه هنيو آهي بلڪه انهن جي ريسٽورنٽ جو سامان کڻي ڪري چوري جي ڪاروائي ڪئي آهي. پنهنجي هڪ بيان ۾ جناب الطاف حسين فرمايو ته رينجر جي اهلڪارن ٻه ڏينهن اڳ ئي ڪلفٽن ۾ حق پرست ميمبر قومي اسيمبلي علي رضا عابدي جي ريسٽورنٽ تي ڇاپو هڻي ڪري اتان ڪمپيوٽر، ليپ ٽاپ، سي سي ٽي وي ريڪارڊ، روڪ رقم ۽ ٻيون قيمتي شيون کڻي وڃڻ سان گڏو گڏ ريسٽورنٽ ۾ ويٺل ماڻهن کي به کڻي وئي. رينجر جي ان عمل ثابت ڪري ڇڏيو ته رينجر پهرين ئي ڀنگ جي لاءِ اغوا ڪرڻ جي وارداتن ۽ ڀتا خوري ۾ ملوث هئي ۽ هاڻي ڪراچي جي هر علائقي ۾ ڇاپن جي آڙ ۾ لٽ مار به ڪري رهي آهي، اها ڳالھ ثابت ڪري رهي آهي ته اها انسانن جي جان و مال جو تحفظ نه بلڪه اها شهرين کي لٽي رهي آهي ۽ ڌاڙيلن جو روپ اختيار ڪري شهرين جو جيئڻ حرام ڪري رهي آهي. جناب الطاف حسين فرمايو ته آرمي چيف جنرل راحيل شريف کي ان سنگين واقعي جو نوٽس وٺڻ گهرجي نه ته قيامت جي ڏينهن الله تعالٰي جي حضور انهن کي ان لٽ مار جو حساب ڏيڻو پوندو.
*****