مهاجرن جي سياسي ، معاشي ۽ جسماني قتل عام ۾ شريف برادران به برابر جا شريڪ آهن. ايم ڪيو ايم رابطا ڪميٽي.
وزير اعلٰي پنجاب ميان شهباز شريف ۽ وزير داخلا بلوچستان سرفراز بگٽي جي بيان تي رابطا ڪميٽي جي طرفان مذمت جو اظهار.
ڪراچي: 2 آگسٽ 2015
متحده قومي موومينٽ جي رابطا ڪميٽي چيو آهي ته ڪراچي آپريشن جي آڙ ۾ محب وطن مهاجرن جي سياسي ، معاشي ۽ جسماني قتل عام ۾ شريف براداران به برابر جا شريڪ آهن ۽ انشاء الله تعالٰي جلدئي ظالمن کي عبرتناڪ انجام جو سامنو ڪرڻو پوندو. پنهنجي هڪ بيان ۾ رابطا ڪميٽي وزير اعلٰي پنجاب ميان شهباز شريف ۽ وزير داخلا بلوچستان سرفراز بگٽي جي بيانن جي سخت مذمت ڪندي چيو ته قائد تحريڪ جناب الطاف حسين سچائي بيان ڪري پنج ڪروڙ مهاجرن جي دلين جي ترجماني ڪئي آهي. عالمي ميڊيا ۽ انساني حقن جي ڪميشن جي رپورٽ مان به ثابت ٿي ويو آهي ته ڪراچي آپريشن جي آڙ ۾ صرف ايم ڪيو ايم کي ئي نشانو بڻايو پيو وڃي ۽ مهاجرن جا حق ڇنيا پيا وڃن پر ميان شهباز شريف ۽ سرفراز بگٽي کي ان ظلم تي هڪ لفظ به ڳالھائڻ جي توفيق نه ٿي آهي. رابطا ڪميٽي چيو ته ميان شهباز شريف جواب ڏين ته وزير اعظم ميان نواز شريف ۽ چوڌري نثار جي بار بار خاطرين جي باوجود ڪراچي آپريشن جي لاءِ اڄ تائين مانيٽرنگ ڪميٽي ڇو نه بڻائي وئي ؟ ۽ ميان شهباز شريف خواجه آصف جي طرفان فوج جي خلاف ڏنل توهين واري بيان تي ڇو خاموش رهيا؟ رابطا ڪميٽي وڌيڪ چيو ته عدالت جي طرفان قمر منصور کي طبي معائني جي لاءِ اسپتال موڪلڻ جو حڪم ڏيڻ جي باوجود به انهن کي علاج جي سهولت فراهم نه ڪرڻ توهين عدالت نه آهي ته ٻيو ڇا آهي ۽ ان تي شهباز شريف جي زبان کي تالو ڇو لڳل آهي؟
*****