ناروي ۾ اسٽريٽ چلڊرن ورلڊ فٽ بال ڪپ ۾ ٽئين پوزيشن حاصل ڪرڻ تي پاڪستان جي اسٽريٽ چلڊرن ٽيم جي سمورن رانڌيگرن، مينيجر ۽ سمورن آفيشلز کي ايم ڪيو ايم جي قائد جناب الطاف حسين جي طرفان زبردست مبارڪباد پيش.
لنڊن: پهرين آگسٽ 2015
متحده قومي موومينٽ جي قائد جناب الطاف حسين ناروي ۾ ٿيندڙ اسٽريٽ چلڊرن ورلڊ فٽبال ڪپ ۾ شاندار رانڌ پيش ڪرڻ تي ٽئين پوزيشن حاصل ڪرڻ تي پاڪستان جي اسٽريٽ چلڊرن جي ٽيم جي سمورن رانڌيگرن ۽ مينيجر سميت سمورن آفيشلز کي دل جي گهرائين سان زبردست مبارڪباد پيش ڪئي آهي. پنهنجي هڪ بيان ۾ جناب الطاف حسين فرمايو ته حڪومت جي سرپرستي کان سواءِ پاڪستان جي ٻارن گذريل سال برازيل ۾ ٿيندڙ عالمي مقابلن وانگر هن سال به ناروي ۾ ٿيندڙ 52 ملڪن جي اسٽريٽ چلڊرن ٽيمن جي عالمي مقابلن ۾ ٽئين پوزيشن حاصل ڪئي آهي. جنهن تي پوري قوم اسٽريٽ چلڊرن فٽبال ٽيم جي هڪ هڪ رانڌيگر ۽ سمورن آفيشلز کي مبارڪباد پيش ڪري ٿي. انهن اميد ظاهر ڪئي ته اهي ٻار سڄي دنيا ۾ اهڙي طرح ئي پنهنجي ملڪ جو نالو روشن ڪندا رهندا.