صوابي ۾ ايليٽ فورس بنون جي ايس پي جي ٽارگيٽ ڪلنگ جو فوري طور تي نوٽس ورتو وڃي. بيرسٽر محمد علي سيف.

ڪراچي؛ 18 جولائي 2015 

             متحده قومي موومينٽ جي حق پرست سينيٽر بيرسٽر محمد علي سيف صوابي ۾ دهشت گردن جي هٿان بنون جي ايس پي خير الخطيب جي ٽارگيٽ ڪلنگ جي سخت ترين لفظن ۾ مذمت ڪندي چيو آهي ته ڪي پي ڪي حڪومت صوبي ۾ ٽارگيٽ ڪلنگ جي وڌندڙ وارڌاتن کي روڪڻ ۽ شهرين جي جان و مال جي تحفظ ۾ مڪمل طور تي ناڪام ٿي چڪي آهي. پنهنجي هڪ بيان ۾ بيرسٽر سيف چيو ته ڪي پي ڪي ۾ امن و امان جي صورتحال اڳ ۾ ئي خراب هئي پر هاڻي پوليس جا آفيسر به عدم تحظ جو شڪار ٿي ويا آهن. ان کان اڳ ڪي پي ڪي ۾ ڊاڪٽرن، صنعتڪارن ۽ زندگي جي ٻين شعبن سان تعلق رکڻ وارن ماڻهن کي ڀتي جون پرچيون ڏنيون پيون وڃن ۽ ڀتو نه ڏيڻ تي انهن کي سنگين نتيجن جون ڌمڪيون به ڏنيون پيون وڃن جنهن جي ڪري اتان ڊاڪٽرن ۽ صنعتڪارن جي اڪثريت ٻاهرين ملڪن ڏانهن منتقل ٿي چڪي آهي. انهن ڪي پي ڪي جي وزير اعلٰي پرويز خٽڪ کان مطالبو ڪيو ته صوبي ۾ ايليٽ فورس جي ايس پي جي وحشياڻي قتل ۽ ٻين سنگين ڏوهن جي وارڌاتن جو نوٽس ورتو وڃي ۽ شهرين جي جان و مال جي تحفظ جي لاءِ فوري طور تي قدم کنيا وڃن.