ايم ڪيو ايم جي قائد جناب الطاف حسين جي سينيئر ڪارڪن محترمه شاھ جهان بيگم عرف چني باجي جي مڙس ، ليبر ڊويزن جي سينيئر ڪارڪن سيد محمود حسين جي وفات تي تعزيت جو اظهار.
لنڊن؛ 19 جولائي 2015
متحده قومي موومينٽ جي قائد جناب الطاف حسين ايم ڪيو ايم جي سينيئر ڪارڪن محترمه شاھ جهان بيگم عرف چني باجي کي فون ڪري انهن سان انهن جي مڙس، ايم ڪيو ايم ليبرڊويزن ڪي پي ٽي يونٽ جي سينيئر ڪارڪن سيد محمود حسين جي وفات تي تعزيت جو اظهار ڪيو ۽ انهن کي دلاسو به ڏنو. شاھ جهان بيگم سان ڳالھ ٻولھ ڪندي جناب الطاف حسين فرمايو ته اوهان جي مڙس سيد محمود حسين تحريڪ جي لاءِ جيڪي خدمتون انجام ڏنيون آهن انهن کي وساري نه ٿو سگهجي ۽ مان تحريڪ جي سمورن ڪارڪنن ۽ اوهان جي ڏک ۾ برابر جو شريڪ آهيان. جناب الطاف حسين دعا فرمائي ته الله مرحوم کي پنهنجي جوار رحمت ۾ اعلٰي مقام عطا فرمائي ۽ پونئرن کي اهو صدمو برداشت ڪرڻ جو حوصلو عطا فرمائي. آمين. ان کان علاوه جناب الطاف حسين رابطا ڪميٽي لنڊن کي فون ڪري شاھ جهان بيگم کي فوري طور تي پاڪستان موڪلرائڻ جا انتظام ڪرڻ جي هدايت ڪئي ۽ جناب الطاف حسين نائن زيرو فون ڪري رابطا ڪميٽي پاڪستان کي به هدايت ڪئي ته اهي سيد محمود حسين مرحوم جي تجهيز و تڪفين جا سمورا انتظام ڪن ۽ ذميوار ۽ ڪارڪن به تجهيز و تڪفين ۾ ڀرپور طريقي سان حصو وٺن. ان کان علاوه شاھ جهان بيگم جي مڙس جي وفات جي اطلاع ملندي ئي ايم ڪيو ايم رابطا ڪميٽي لنڊن جي ميمبرن ۽ شعبه خواتين جي ميمبرياڻين شاھ جهان بيگم سان انهن جي گهر وڃي ڪري تعزيت ڪئي ۽ انهن کي دلاسو به ڏنو.