جناب الطاف حسين سميت رابطا ڪميٽي و حق پرست اسيمبلي ميمبرن ۽ ذميوارن جي خلاف بي بنياد مقدما قائم ڪرڻ سياسي انتقام آهي. ايم ڪيو ايم رابطا ڪميٽي.

ڪراچي؛ 20 جولائي 2015 

            متحده قومي موومينٽ جي رابطا ڪميٽي چيو آهي ته ايم ڪيو ايم ڪراچي ۾ دهشت گردن ۽ انتها پسندن جي خاتمي جي لاءِ آپريش جو مطالبو ڪيو هو ۽ ان آپريشن جي ڪاميابي جي لاءِ قانون نافذ ڪرڻ وارن ادارن سان مڪمل تعاون به ڪري رهي آهي. پر ڪراچي آپريشن جي آڙ ۾ ايم ڪيو ايم کي ئي سياسي انتقام جو نشانو بڻايو پيو وڃي. پنهنجي هڪ بيان ۾ رابطا ڪميٽي چيو ته ڪراچي سميت ملڪ جي مختلف شهرن ۾ جناب الطاف حسين، رابطا ڪميٽي پاڪستان جي انچارج ڪهف الورٰي، رابطا ڪميٽي ميمبرن ڊاڪٽر فاروق ستار، ڊاڪٽر خالد مقبول صديقي، حيدرعباس رضوي، عارف خان، قمر منصور، وسيم اختر، سينيٽرن خوش بخت شجاعت، سينيٽر طاهر مشهدي، قومي اسيمبلي ميمبرن رشيد گوڏيل، ريحان هاشمي، سلمان مجاهد، ڪشور زهرٰي، سنڌ اسيمبلي ميمبرن خواجه اظهار الحسن، رئوف صديقي، جمال احمد، وسيم قريشي، سابق حق پرست اسيمبلي ميمبرَ طيب هاشمي، ذميوار عورتن ۽ ذميوارن جي خلاف ڪوڙا مقدما قائم ڪيا پيا وڃن جيڪا سراسر انتقامي ڪاروائي آهي. رابطا ڪميٽي چيو ته انهن جي گهرن تي ڇاپا به هنيا پيا وڃن. رابطا ڪميٽي وڌيڪ چيو ته ايم ڪيو ايم ملڪ جي جمهوريت پسند ۽ آئين ۽ قانون پسند جماعت آهي پر ان کي ڀت سان لڳائڻ جي ڪوشش ڪئي پئي وڃي . رابطا ڪميٽي وزير اعظم ميان نواز شريف، وفاقي وزير داخلا چوڌري نثار علي خان ۽ وزير اعلٰي سنڌ سيد قائم علي شاھ کان مطالبو ڪيو ته اهي ايم ڪيو ايم سان ٿيندڙ سياسي انتقامي ڪاروائيون بند ڪرائين ۽ انهن قائم ٿيل مقدمن کي فوري طور تي ختم ڪرائين ۽ گرفتار ٿيل سمورن ذميوارن ۽ ڪارڪنن کي فوري طور تي آزاد ڪرائين. 

*****