چترال ۾ سيلابي وهڪري جي ڪري جاني ۽ مالي نقصان ٿيڻ تي ايم ڪيو ايم جي رابطا ڪميٽي جي طرفان مذمت جو اظهار.
ڪراچي؛ 20 جولائي 2015
متحده قومي موومينٽ جي رابطا ڪميٽي چترال ۾ سيلابي وهڪري جي ڪري هڪ عورت ۽ ٻارڙي جي هلاڪ ۽ ڪيترن ئي جي زخمي ٿيڻ جي واقعي تي وڏي ڏک ۽ افسوس جو اظهار ڪيو آهي. پنهنجي هڪ بيان ۾ رابطا ڪميٽي چيو ته گذريل هفتي کان چترال ۾ سخت برساتن جو سلسلو جاري آهي. جنهن جي ڪري سيلابي وهڪري وڏي تباهي مچائي ڇڏي آهي ۽ چترال جو زميني رابطو ملڪ کان ڪٽجي ويو آهي. رابطا ڪميٽي چيو ته سيلابي وهڪري ۽ سخت برساتن جي ڪري ڪيترائي ڳوٺ پاڻي هيٺ اچي ويا آهن ۽ ماڻهو کليل آسمان هيٺان مدد جا منتظر آهن. رابطا ڪميٽي چيو ته حڪومت جي طرفان چترال جي عوام جي جان و مال جي تحفظ جي لاءِ اڳواٺ قدم نه کنيا ويا جنهن جي جيتري به مذمت ڪئي وڃي اها گهٽ آهي. رابطا ڪميٽي وزير اعظم ميان نواز شريف کان مطالبو ڪيو ته چترال ۾ سيلابي وهڪرن ۾ وڌيڪ جاني ۽ مالي نقصانن کان بچڻ جي لاءِ فوري طور تي ڊيزاسٽر مينجمينٽ سيل سميت ٻين لاڳاپيل ادارن کي فعال ڪيو وڃي. رابطا ڪميٽي سيلابي وهڪرن ۾ هلاڪ ٿيندڙن جي پونئرن سان دلي تعزيت ۽ همدردي جو اظهار ڪندي دعا ڪئي ته الله تعالٰي مرحومن کي جنت الفردوس ۾ اعلٰي مقام عطا فرمائي ۽ سوگوار پونئرن کي اهو صدمو برداشت ڪرڻ جو حوصلو عطا فرمائي. آمين. ان کان علاوه رابطا ڪميٽي زخمين جي جلد و مڪمل صحتيابي جي لاءِ دعا به ڪئي.
*****