شعبه خواتين جي سينيئر ڪارڪن محترمه شاھ جهان بيگم عرف چني باجي جي مڙس ۽ ليبر ڊويزن جي سينيئر ڪارڪن سيد محمود حسين کي ياسين آباد جي قبرستان ۾ مٽي ماءُ حوالي ڪيو ويو.
ڪراچي؛ 20 جولائي 2015
ايم ڪيو ايم شعبه خواتين جي سينيئر ڪارڪن محترمه شاھ جهان بيگم عرف چني باجي جي مڙس ۽ ايم ڪيو ايم جي ليبر ڊويزن جي سينيئر ڪارڪن سيد محمود حسين کي هزارين آلين اکين سان گڏ ياسين آباد جي قبرستان ۾ مٽي ماءُ حوالي ڪيو ويو. ان کان اڳ مرحوم جي جنازي نماز نارٿ ناظم آباد ۾ ادا ڪئي وئي. جنازي نماز ۽ تدفين ۾ ايم ڪيو ايم رابطا ڪميٽي جي انچارج ڪهف الورٰي، رابطا ڪميٽي ميمبرن عبدالحسيب ، گلفراز خان خٽڪ ۽ حق پرست اسيمبلي ميمبرن کان علاوه شعبن جي ميمبرن ۽ ڪارڪنن وڏي تعداد ۾ شرڪت ڪئي. ان کان پوءِ حق پرست عورت ميمبرياڻين ، شعبه خواتين جي ذميوارن ۽ ڪارڪن عورتن مرحوم جي رهائشگاھ تي وڃي ڪري محترمه شاھ جهان بيگم ۽ ٻين سوگوارن سان دلي تعزيت جو اظهار ڪيو ۽ انهن جي بلند درجات جي لاءِ دعا به ڪئي.
ان کان علاوه مرحوم جو ٽيجهو 21 جولائي بروز اڱاري تي ٻيپهري جي نماز کان پوءِ ناظم آباد بلاڪ اين جي بطحه مسجد ۾ ٿيندو.
*****