ايم ڪيو ايم جي رهنمائن ۽ چونڊيل نمائندن جي روپوشي جي خبر بلڪل غلط آهي. ايم ڪيو ايم ترجمان.
ڪراچي؛ 21 جولائي 2015
متحده قومي موومينٽ جي ترجمان ڪجھ اخبارن ۾ شايع ٿيل ان خبر جي سختي سان ترديد ڪئي آهي جنهن ۾ چيو ويو آهي ته ايم ڪيو ايم جا رهنما ۽ چونڊيل نمانئدا روپوش ٿي ويا آهن. ترجمان ان خبر کي بلڪل غلط ۽ گمراھ ڪن قرار ڏنو ۽ ان کي عوام ۾ مايوسي ڦيلائڻ جي سازش قرار ڏنو. ترجمان چيو ته مذڪوره خبر ۾ ڪائي به صداقت نه آهي، ايم ڪيو ايم جا رهنما ۽ چونڊيل نمائندا تمام تر ڏکين حالتن جي باوجود پنهنجا فرض انجام ڏيئي رهيا آهن. ترجمان چيو ته ايم ڪيو ايم جا رهنما ۽ چونڊيل نمانئدا پنهنجي پريس ڪانفرنس ۾ به اهو واضع ڪري چڪا آهن ته اهي غيرقانوني ۽ غير آئيني گرفتارين کان خوفزده ٿي ڪري روپوشي اختيار نه ڪندا بلڪه روپوشي جي بجاءِ پنهنجي گرفتاري ڏيڻ پسند ڪندا.
*****