ايم ڪيو ايم سينيئر قانون دان ڊاڪٽر محفوظ يار خان کي ليگل ايڊ ڪميٽي جو صدر مقرر ڪري ڇڏيو.
لنڊن؛ 21 جولائي 2015
متحده قومي موومينٽ جي قائد جناب الطاف حسين جي سربراهي ۾ رابطا ڪميٽي پاڪستان ۽ لنڊن جو گڏيل اجلاس ٿيو، جنهن ۾ رابطا ڪميٽي جو سينيئر ڊپٽي ڪنوينر نديم نصرت به شريڪ هئا. اجلاس ۾ ايم ڪيو ايم جي رهنمائن، ذميوارن ۽ ڪارڪنن جي غير قانوني ۽ غير آئيني گرفتارين تي وڏي ڳڻتي جو اظهار ڪيو ويو ۽ گرفتار ٿيلن جي قانوني مدد جي حوالي سان مختلف تجويزون تي به غور ڪيو ويو. اجلاس ۾ گرفتار ٿيلن جي قانوني معاونت جي نظام کي وڌيڪ بهتر ۽ منظم بڻائڻ جي لاءِ ايم ڪيو ايم جي ليگل ايڊ ڪميٽي جي تنظيم نو تي به خيالن جي ڏي وٺ ڪئي وئي. اجلاس ۾ گڏيل طور تي سينيئر قانون دان ۽ معروف سياستدان ڊاڪٽر محفوظ يار خان کي ايم ڪيو ايم جي ليگل ايڊ ڪميٽي جو صدر بڻائڻ جو فيصلو ڪيو ويو. جڏهن ته ليگل ايڊ ڪميٽي جو موجوده صدر نعيم صديقي ليگل ايڊ ڪميٽي جي نائب صدر جي حيثيت سان پنهنجيون ذميواريون نڀائيندا. قائد تحريڪ جناب الطاف حسين رابطا ڪميٽي جي فيصلي جي توثيق ڪري ڇڏي آهي.
*****