ايم ڪيو ايم جي قائد جناب الطاف حسين جي طرفان مرڻ گهڙي تائين بک هڙتال جي فيصلي تي نائن زيرو ۽ لنڊن سيڪريٽريٽ ۾ پيغامن جي لائين لڳي وئي.
ايم ڪيو ايم جا سڀئي ڪارڪن مري ته سگهن ٿا پر پنهنجي پياري قائد کي بک هڙتال ڪرڻ نه ڏيندا.پيغام موڪليندڙ.
ڪراچي؛ 21 جولائي 2015
پاڪستان سميت سڄي دنيا کان زندگي جي مختلف شعبن سان تعلق رکڻ وارن ماڻهن ۽ ايم ڪيو ايم جي ڪارڪنن قائد تحريڪ جناب الطاف حسين جي طرفان مرڻ گهڙي تائين جي بک هڙتال جي فيصلي کي بلڪل رڌ ڪري ڇڏيو آهي ۽ چيو آهي ته جناب الطاف حسين نه بلڪه ايم ڪيو ايم جا ڪروڙين ڪارڪن مرڻ گهڙي تائين بک هڙتال ڪندا ۽ ظلم جي خلاف ڀرپور احتجاج ڪندا. جناب الطاف حسين جي طرفان بک جي هڙتال جي فيصلي جي خبر ٻڌندي ئي نائن زيرو ۽ انٽرنيشنل سيڪريٽريٽ لنڊن ۾ ٽيليفونن، فيڪسن ۽ اي ميلن جي لائين لڳي وئي. پيغام موڪلڻ وارن ۾ واپاري، صنعتڪار، عالم سڳورا، وڪيل، شاگرد ۽ ٻين ماڻهن جي وڏي تعداد شامل آهي. پنهنجن پيغامن ۾ انهن جناب الطاف حسين سان تجديد عهد وفا ڪندي چيو ته جناب الطاف حسين ڪروڙين عوام جا رهبر و رهنما آهن ۽ انهن جي طبيت ان ڳالھ جي اجازت نه ٿي ڏيئي ته اهي مرڻ گهڙي تائين بک هڙتال ڪن. انهن وڌيڪ چيو جيستائين اسان زنده آهيون جناب الطاف حسين کي بک هڙتال ڪرڻ جي بلڪل به اجازت نه ڏينداسين. آخر ۾ انهن جناب الطاف حسين جي صحت و تندرستي ۽ وڏي عمر جي لاءِ دعائون به ڪيون.
*****