اي آر وائي چينل جي طرفان مهاجر دشمن رويي ۽ ايم ڪيو ايم جي خلاف لڳاتار زهر اڳرڻ جي خلاف 24 جولائي بروز جمعي تي منجهند 30 :3 وڳي ڪراچي صدر ۾ اي آر وائي جي هيڊ آفيس جي سامهون پرامن احتجاجي مظاهرو ڪيو ويندو. ايم ڪيو ايم رابطا ڪميٽي جو اعلان.
ڪراچي؛ 23 جولائي 2015
متحده قومي موومينٽ جي رابطا ڪميٽي اي آر وائي جي طرفان مهاجر دشمني ۽ ايم ڪيو ايم جي خلاف لڳاتار زهر اڳرڻ جي خلاف 24 جولائي بروز جمعي تي منجهند 30 :3 وڳي ڪراچي صدر ۾ اي آر وائي جي هيڊ آفيس جي سامهون هڪ وڏي پرامن احتجاجي مظاهري جو اعلان ڪيو آهي. پنهنجي هڪ بيان ۾ رابطا ڪيمٽي چيو ته اي آر وائي ملڪ جي بدنام قاتلن کي آڻي ايم ڪيو ايم جي خلاف بڪواس ۽ بيهوده زبان استعمال ڪرائي، مهاجر قوم کي دهشت گرد ثابت ڪرڻ ۽ ان کي دنيا جي خراب ترين قوم قرار ڏيڻ جي غرض سان من گهڙت ۽ ڪوڙيون رپورٽون ۽ ڪهاڻيون نشر ڪرڻ جو سلسلو جاري رکيون ويٺو آهي ته جيئن دنيا کي ايم ڪيوايم کان متنفر ڪري سگهجي. ان مقصد جي لاءِ اي آر وائي کي سرڪاري ايجنسين وڏا پيسا به ڏنا آهن.ان جو ثبوت اهو آهي ته وزير دفاع خواجه آصف جن پنهنجي حاليه ٽي وي انٽرويو ۾ اهو انڪشاف ڪيو هو ته آئي ايس آئي جي سابق سربراهن جنرل جنرل شجاع پاشا ۽ ظهير السلام لنڊن پلان جي تحت عمران خان کان ڌرڻو ڏيارڻ جو منصوبو بڻايو ۽ انهن کي سرمائيدارن کان وڏا پيسا به ڏياريا ۽ ان مقصد جي لاءِ ٽي وي چينلن کي به استعمال ڪيو ويو. ان کان علاوه رابطا ڪميٽي ڪراچي سميت سڄي سنڌ جي ڪارڪن ۽ حق پرست عوام کي اپيل ڪئي آهي ته اهي ان مظاهري ۾ ڀرپور طريقي سان شرڪت ڪن. ان کان علاوه رابطا ڪميٽي پنجاب، ڪي پي ڪي ۽ بلوچستان سميت سڄي ملڪ جي عوام کي به اپيل ڪئي ته اهي پنهنجن شهرن جي پريس ڪلبن جي سامهون احتجاجي مظاهرا ڪن.