چونڊيل عوامي نمائندا مسئلن جي شڪار عوام جي ڀرپور خدمت ڪن. قائد تحريڪ جناب الطاف حسين.

لنڊن؛ 24 جولائي 2015 

            متحده قومي موومينٽ جي قائد جناب الطاف حسين چونڊيل عوامي نمائندن تي زور ڏنو آهي ته اهي مسئلن جي شڪار عوام جي ڀرپور خدمت ڪن. اها ڳالھ انهن نائن زيرو تي ڪنٽومينٽ بورڊ جي نئين چونڊيل وائيس چيئرمين محمد منصور، حق پرست ڪائونسلرن چوڌري ناصر، بشير احمد ، محمد اڪرم ۽ منير يلسن سان ٽيليفون تي ڳالھ ٻولھ ڪندي ڪئي ۽ انهن کي دلي مبارڪباد به پيش ڪئي. جناب الطاف حسين فرمايو ته سمورن مذهبن جي مقدس هستين جي طرفان الله سائين جي مخلوق جي خدمت ڪرڻ ۽ امن ۽ محبت جو درس ڏنو ويو آهي ۽ حديث مبارڪ ۾ آهي ته الله تعالٰي جي مخلوق جي خدمت ڪرڻ سڀني کان وڏي عبادت آهي. انهن ڪنٽومينٽ بورڊ جي چونڊيل نمائندن تي زور ڏنو ته اهي مسئلن جي شڪار عوام جي ڀرپور خدمت ڪن ۽ پنهنجا فرض پوري ديانتداري سان ادا ڪن. ان موقعي تي ڪنٽومينٽ بورڊ جي چيئرمين ۽ ڪائونسلرن يقين ڏياريو ته اهي پنهنجن علائقن جي ترقي ۽ عوام جي مسئلن جي حل جي لاءِ پنهنجو ڀرپور ڪردار ادا ڪندا.